LEXO PA REKLAMA!

SHKARKO APP

SPAK përpara gazetarëve, duhet të arrestojë prokurorët e SPAK

16 Qershor 2022, 17:17, Editorial Elvi FUNDO
SPAK përpara gazetarëve, duhet të arrestojë prokurorët
SPAK

Pasi na u shpërnda një letër publike nga SPAK, gjëja e parë që duhet të bënim ishte që të lexonim dispozitat e Kodit Procedural Penal dhe të Kodit Penal të cituara në atë shkresë.

Neni 103 i KPrP parashikon ndalimin e publikimit qoftë edhe te pjesshëm të akteve sekrete që lidhen me çështjen ose dhe vetëm i përmbajtjes së tyre nëpërmjet shtypit ose informacionit masiv si dhe i akteve josekrete deri në përfundimin e hetimeve paraprake.

Aktet hetimore konsiderohen si sekrete derisa i pandehuri të mos ketë marrë dijeni mbi to, por prokurori mund të urdhërojë ruajtjen e sekretit për akte të veçanta deri në përfundim të hetimit.

Prokurorët e SPAK kanë nxjerrë sot një urdhër, i cili nuk i referohet asnjë baze ligjore proceduriale. Cila është dispozita e KPrP mbi bazën e të cilës Prokurorët kanë gjetur të drejtën për urdhërin që shpërndajnë?

Me një urdhër pa asnjë referencë ligjore, prokurorët duket sikur po kërcënojnë median duke kërkuar që të mos publikohen deklarimet e shtetasve Henrik Hoxhaj dhe Nuredin Dumani!

Pra prokurorët e SPAK duken të sigurtë që deklarimet e këtyre shtetasve paskan mbërritur në duart e gazetarëve derisa tani tentojnë thjesht të ndalin publikimin!

Por prokurorët e SPAK kujdesen që të mos i referohen asnjë dispozite të KPrP kur kanë hartuar dhe hedhur në treg urdhërin e tyre.

SPAK përpara gazetarëve, duhet të arrestojë prokurorët

Megjithëse në koken e urdhërit flitet për ndalim të publikimit të akteve dhe përmbajtjes së tyre, brenda urdhërit nuk flitet per të gjitha aktet, por vetëm për deklarimet e Hoxhajt dhe Dumanit. Ky detaj i lihet mjergullës në urdhërin e prokurorëve! Me stilin ta kapi kush ta kapi!

Për SPAK nuk është më sekret psh fakti që Dumani dhe Hoxhaj paskan nënshkruar marrëveshje bashkëpunimi.

Megjithëse vetë fispozitat që vitojnë në urdhër, ndalojnë publikimin edhe i të dhënave josekrete deri në përfundim të hetimeve paraprake. Apo hetimet paraprake paskan përfunduar?!

Vetë prokurorët ne urdhërin e tyre na kanë thënë që shtetasit Hoxhaj dhe Dumani kanë dhënë shpjegime për ngjarje të rënda kriminale të ndodhura në vite dhe vende të ndryshme.

Janë prokurorët e SPAK që deklarojnë se për dy shtetasit janë nënshkruar marrëveshje bashkepunimi.

Ky fakt nuk qenka sekret! Ky fakt është vendosur që të bëhet publik nga prokurorët e SPAK? Deklarimi i këtij fakti nuk i pengoka më prokurorët e SPAK që të zhvillojnë hetimet?

Prokurorët e SPAK deklaruan një fakt që dihej publikisht pavarësisht urdhërit të sotëm.

SPAK vërtetoi me urdhër informacionin që media ka shume ditë që e di dhe që sot e dinë të gjithë.

Por SPAK sot duhet të kishte zbuluar kush brenda SPAK i nxorri informacionet. Në vend të kësaj SPAK e lau informatorin pasi sot zyrtarizoi informacionin.

SPAK sot nxorri urdhër për mediat që mos publikojnë proces-verbalet e seancave të pyetjes së Dumanit dhe Hoxhajt, por nuk u kujdes që për shembull të ndalojë edhe publikimin e marrveshjeve të lidhura me 2 bashkepunëtorët. Kjo me siguri ka ndodhur sepse SPAK e di që ato marrëveshje nuk janë shpërndarë. Sepse di me siguri se çfarë janë shpërndarë.

SPAK përpara gazetarëve, duhet të arrestojë prokurorët

SPAK citon nenin 295/a te kodit penal lidhur me zbulimin e akteve sekrete, por kujdeset qe urdhëri (pa referencë ligjore), të kufizohet tek paragrafi 4 dhe 5 i dispozitës, sepse synon vetëm gazetarët. Urdhëri "harron" paragrafët 1, 2 dhe 3 të dispozitës penale dhe duke "harruar" ato paragrafë,, SPAK harron përgjegjësinë penale të prokurorëve të SPAK që i kanë shpërndarë medias aktet që sot u përzgjodhën që të deklarohen si sekret.

Dispozitat e nenit 295/a te Kodit penal, nuk mund të zbatohen për gazetarët e paragrafit 4, dhe të harrohen për prokurorët e paragrafit 1, 2 dhe 3.

Edhe një detaj tjetër!

Urdhëri i SPAK citon paragrafin 5 te nenit 295/a., i cili thotë:

"Zbulimi i të dhënave sekrete, që kanë lidhje ne identitetin, procesin e bashkëpunimit, të mbrojtjes ose për vendndodhjen e dëshmitarëve e të bashkëpunëtorëve të drejtësisë të cilët përfitojnë mbrojtje të veçantë, dënohet me burgim nga 2 deri në 6 vjet."

Ne, media dhe gjithë shqiptarët, identitetin e 2 prej bashkëpunëtorëve të drejtësisë e morëm vesh zyrtarisht sot nga urdhëri i prokuorëve të SPAK! Morëm vesh edhe që me ta qenka lidhur marrëveshje bashkëpunimi si pjesë e një procesi bashkëpunimi.

A preken 3 prokurorët e SPAK nga urdhëri i 3 prokurorëve të SPAK?

SPAK është përdredhur keq kur është ulur të hartojë urdhërin pa baze ligjore që duhet të shpërndante në media, ndaj duket sikur ka kafshuar bishtin e vet në urdhërin që ka firmosur.

SPAK përpara gazetarëve, duhet të arrestojë prokurorët

SPAK nuk duken të shqetësuar që lajmi i bashkëpunimit mori dhenë!

Por nxjerrja e proces-verbaleve nuk duhet lejuar të marrë dhenë.

SPAK nuk ka hallin se populli po merr vesh çfarë po del nga hetimet.

Ka hall se ajo që po kupton dhe merr vesh populli, apo ajo çka mund të marrë vesh populli nha ato proces-verbale, nuk do i lerë dorë të lirë SPAK-ut të manimuloje dosjen si të dojë.

Ndaj kërcënon gazetarët me nenin që dënoi dikur Aleksandër Frangajn dhe Martin Lekën.

SPAK harrojnë se Frangaj dhe Leka morën pafajsinë dikur./CNA.al

SPAK përpara gazetarëve, duhet të arrestojë prokurorët

SPAK përpara gazetarëve, duhet të arrestojë prokurorët

SPAK përpara gazetarëve, duhet të arrestojë prokurorët

 

Lajmet e fundit nga