Historia do t'ju dënojë

Kryetari i PD-së, Sali Berisha

Sali Berisha është pa dyshim politikani më i rëndësishëm i 30 viteve të tranzicionit.

Ai drejtoi dhe drejton Partinë Demokratike që nga themelimi i saj si dhe ushtroi ndër vite detyrat më të larta shtetërore pas fitores në zgjedhjet parlamentare.

Udhëheqja e tij ka pasur suksese të merituara historike, dhe ka përjetuar kriza të thella të cilat kanë lënë gjurmë në memorien e popullit shqiptar. Kjo ka treguar se si meritat dhe gabimet kanë qenë për Berishën pjesë e këtij rrugëtimi gjurmëlënës.

Për një politikan karriere me përmasat e një udhëheqësi kjo gjë është krejt normale.

Në të gjithë këtë histori udhëheqjeje, ato që kanë predominuar janë ekuilibrat e përfaqësimit. Qoftë Partia, qoftë institucionet udhëheqëse të shtetit kanë pasur të palëkundur frymën e gjithëpërfaqësimit. Janë përfaqësuar maksimalisht në detyrat shtetërore, por edhe partiake pothuajse të gjithë trevat e Shqipërisë, pavarësisht peshës që mbulonin. Gjithashtu janë trajtuar me kujdes besimet fetare në funksion gjithmonë të ekuilibrave të përfaqësimit.

Berisha ka qenë dhe shpresojmë të mbetet një flamurtar i zbatimit të këtyre pikëpamjeve që janë jetësore në funksionimin e një shteti apo të një organizate politike kombëtare.

Në këtë kontekst është më e nevojshme se kurrë më parë që kjo simbolikë e trashëguar tashmë të mund të jetësohet edhe tani në përzgjedhjen e organeve drejtuese të Partisë Demokratike. Është respekt për votuesit kudo që ndodhen, është garanci për një drejtim efikas dhe fitoresjellës dhe mbi të gjitha është hapi i parë drejt hapjes së brendshme, e cila të çon drejt hapjes reale jashtë kufijve partiakë.

Nuk mund të ndihet mirë anëtari i Korçës, Vlorës, Fierit apo Beratit, etj, kur në udhëheqjen e lartë të partisë sheh të zgjedhur njëri pas tjetrit përfaqësues të zonave të afërta të veriut apo të verilindjes pavarësisht mbështetjes që ato i japin Partisë Demokratike nga pikëpamja elektorale. Fryma politike në shpirtin e çdo anëtari është unike nga Shkodra deri në Sarandë. Ndaj, kjo filozofi duhet respektuar maksimalisht.

Anëtarët e Këshillit Kombëtar si dhe kryetari Sali Berisha që do të propozojnë apo do të votojnë forumet e larta të kësaj organizate kanë në dorë ta përcjellin këtë frymë pasi është fillimi i një rruge të mbarë. Është e nevojshme, por edhe e domosdoshme për të mënjanuar ata që lobojnë të errësuar nga karrierizmi i sëmurë.

Është momenti më i rëndësishëm dhe më jetik për mbarëvajtjen e punës, e cila duhet të japë shpresë për të ardhmen e afërt.

Përndryshe historia do t'ju dënojë./ CNA.al

berishajpg

12:36 Editorial Elvi FUNDO

PD e rithemeluar apo e shkallmuar

Një proces që zgjati shumë muaj. Prej shtatorit të vitit ...

13:33 Editorial CNA

SPAK-u nuk mund t'i harrojë inceneratorët

Një ndër koncesionet më të akuzuara në këto 30 vite de...

14:32 Editorial CNA

Kur do të shkojë SPAK-u në Ujësjellësin e Tiranës? Tenderat, me procedurë korruptimi

Ujësjellësi i Tiranës duket të jetë një nga gropat e b...