Ujësjellësi i Tiranës duket të jetë një nga gropat e bashkisë së kryeqytetit. Një institucion, ku dikur gjenin strehë qokat dhe pazaret politike, tani gjejnë strehë shpikjet e korrupsionit të zyrtarëve të këtij institucioni.
Ujësjellësi i Tiranës, ka nevojë të hetohet, jo vetëm të kontrollohet.
Jo vetëm të kontrollohet nga KLSH-ja, apo institucionet e auditit, por të hetohet nga SPAK-u për tenderat korruptivë.
CNA.al do të sjellë një sërë dosjesh, skandalesh të pandalshme të këtij institucioni.
Së fundi kemi zbuluar një skemë korruptive, skandaloze. Një shpikje për tendera qindra-milionësh, të cilët devijohen në një subjekt të caktuar.
Kjo ka ndodhur dhe së fundi me një nga kompanitë, e cila quhet NOA.
CNA.al e ka denoncuar dhe më parë në lidhje me një aferë në KESH, ku fitoheshin miliona e miliona euro, duke luajtur me oraret e transferimit të energjisë elektrike.
Tani kjo kompani shfaqet tek ujësjellësi i Tiranës, ku zyrtarët e korruptuar të këtij institucioni gjejnë shpikje duke shkelur ligjin, për t’i dhënë kësaj firme tenderat, me porosi të dikujt “nga lart”. Po, me porosi të dikujt nga lart, ashtu sikurse ata deklarojnë vetë në konfidencë.
Dje, CNA.al raportoi për një tender në lidhje me matësat e ujit, ku ishin kualifikuar sipas procedurave ligjore, dy kompani.
Por, tani çfarë ndodh?
Kompanitë duhet të shkojnë dhe të japin ofertat e tyre, në një komision, sipas procedurës, e të tjera si këto.
Pa folur për faktin se Kryeministri ka thënë se ofertat bëhen online, aplikimet janë online, gjithçka është transparente.
Në fakt nuk ndodh kështu në Ujësjellësin e Tiranës. Pasi kualifikohesh duhet të mbyllësh zarfin dhe e çon në Protokoll. Aty e hap dikush dhe njofton palën tjetër. I thotë nga “X” lekë, oferta që ka ardhur nga kompania konkurrente, është “Y” lekë. Dhe pala tjetër ofron më pak. E kështu fituesi është përherë i njëjti dhe nuk ndalet kurrë.
Pra, nuk ka komision për vlerësimin e ofertave. Nuk çohen dokumentet në një grup të paracaktuar sipas ligjit dhe të bëhet hapja transparente. Gjithçka është e fshehtë. Në dorën e një protokollisti që shkon te drejtori, e më pas shpall fituesin.
Kudo ku kalon zarfi i ofertave, kalon dhe zarfi i xhepave.
Ky është një nga rastet më flagrante në ujësjellësin e Tiranës, të cilin SPAK-u duhet ta hetojë sepse janë përfshirë një grup zyrtarësh dhe është një aferë e pastër korruptive, e zbuluar nga vetë këta individë, të cilët kanë vendosur të shkelin ligjin në mënyrë flagrante. Të cilët kanë vendosur të shpikin procedurat e tyre, thjeshtë dhe vetëm për të mbushur xhepat. Se nuk ka arsye tjetër.
Mjafton që SPAK-u të zbarkojë një ditë në ujësjellësin e Tiranës, të tërheqë dokumentet, të kontrollojë procedurat, xhepat e zyrtarëve dhe këtu do të kapin disa “peshq”. Ndoshta jo nga ata “peshkaqenët” që kërkohen, por nga ata “piranjat” e vegjël, që gërryejnë çdo ditë institucionet shqiptare. Dhe Ujësjellësi i Tiranës, është një nga më skandalozët./CNA.al
Një tjetër rast abuzimi me të mitura publikohet në emi...
Ditën e djeshme CNA.al publikoi disa dokumente që zbar...
“Neritan Nallbati do të emërohet zëvendës-drejtor i Pë...
CNA.al ka zbardhur një skemë të plotë, ku ka treguar m...
Komisioni i Pavarur i Kualifikimit ka shkakrkuar nga d...
Astrit Halilaj, prokurori i Lezhës, do të përballet ne...
Komisionerja e Vettingut, Etleda Çiftja, po hetohet ng...
Helidon Bendo që prej rreth pesë vitesh drejton Shërbi...
Policia vijon kontrollin masiv të territorit, për para...
Finalizohet operacioni policor i koduar "Përsëritësi 2...
Policia ka zhvilluar gjatë natës kontrolle të imtësishme n...
Është finalizuar faza e dytë e operacionit policor të ...
Pagjumësia nuk është një sëmundje, por krijon lodhje d...
Kushtet e qëndrueshme atmosferike do të dominojnë në v...
Mjeku infeksionist Gent Stroni, ka folur për situatën ...
Ministria e Shëndetësisë dhe Mbrojtjes Sociale ka publ...
Nisma teatrore "Trau Dich!" - "Guxo" - inkurajon fëmijët të ...
Të paktën 18 persona kanë vdekur si pasojë e sulmeve r...
Një tragjedi njerëzore është regjistruar në Teksas të ...
Të paktën 46 persona, të cilët besohet se kanë qenë mi...
Viti 2021 tregon që kultura nisi të merrte jetë sërish...
Në një intervistë, kompozitori i mirënjohur Limos Dizd...
Nga 23 qershori deri 28 qershor, do të ekranizohen fil...
Regjisorja e njohur nga Kosova, Vjosa Berisha, ka humb...
Në tregun valutor, dollari amerikan ka pësuar një ulje...
Dhoma Amerikane e Tregtisë në një anketë të saj ka dal...
Bordi i Transparencës ka publikuar vendimin për çmime...
Mund të jetë sfiduese të dalësh me një përshkrim që vlen p...