Miliarda Euro të ardhura/ Përfitimet nga aministia fiskale, shembujt në Europë

27 Qershor 2022, 10:11, Editorial CNA

Miliarda Euro të ardhura/ Përfitimet nga aministia fiskale, shembujt

Foto ilustruese

Qeveria ka hedhur për konsultim draftin e amnistisë fiskale, i cili lejon deklarimin vullnetar të një pasurie në vlerë monetare deri në 2 milionë euro, te cilat me pas tatohen nga 7-10 %.

Sipas draftit me 25 nene të gjithë shqiptarët brenda dhe jashtë territorit do të mund të ligjërojnë deri në 2 milionë euro, pavarësisht se si i kanë krijuar të ardhurat.

E njëjta shumë është e lejuar edhe për bizneset, qoftë subjekte apo persona fizikë.

Për kalimin në bankë të shumave do të paguhet një tatim që shkon nga 4 deri në 10 për qind, dhe pas kësaj nuk do të ketë më procedim hetimor, tatimor apo administrativ duke u garantuar ruajtjen e sekretit.

Nga amnistia fiskale përjashtohet presidenti, kryeministri dhe anëtarët e qeverisë përfshirë dhe zëvendësit, kryetarët e bashkive dhe të këshillave bashkiakë.

Po ashtu edhe prokurorët e gjyqtarët e të gjitha niveleve nuk mund të deklarojnë para të përfituara në rrugë informale ashtu si dhe titullarët e institucioneve shtetërore.

Vendet ku është aplikuar

Foto ilustruese

Aministia fiskale, një temë tejet e debatuar, do t’i jepte një hov të madh ekonomisë shqiptare.

Një gjë e tillë ka dhënë rezultate edhe në vendet e tjera ku është aplikuar, në kohë krize.

Pra, nuk po eksperimentohet në Shqipëri dhe nuk dihen rezultatet.

Risjellim në vëmendje se pas krizës financiare të vitit 2008, aministia fiskale është aplikuar në shumë prej shteteve në botë.

Është aplikuar në shtetet si Gjermania dhe Belgjika në 2004, Italia në vitin 2009, Portugalia në vitin 2010, Greqia në vitin vitin 2011, Spanja në vitin 2012, Australia në vitin 2014, India në vitin 2016 apo dhe Filipinet dhe Malajzia në vitin 2019.

Italia në vitin 2009, e cila ka pasur problem me evazionin fiskal, nëpërmjet kësaj amnistie me taksë 5%, përfitoi 4 miliardë euro të ardhura fiskale.

Që do të thotë se nëse amnistia fiskale do të aplikohet në Shqipëri do të ishte një ndihmë e madhe për financat publike.

Nëse do të realizohet kjo manovër në Shqipëri, si nga emigrantët ashtu edhe nga bizneset, i bie të legalizohen miliarda euro aktive financiare dhe mund të përfitohen miliona euro të ardhura fiskale.

Për bizneset që për shkak të borxheve fiskale të papaguara, do të jetë një lehtësim tepër i madh për të startuar përsëri në treg.

Por, kjo nuk do të thotë që të lihen mënjanë dhe të mos favorizohen bizneset e ndershme që deri më tani kanë paguar taksat rregullisht.

Me amnistinë fiskale do të rritej konsumi dhe njëherësh do të rriten edhe investimet, e për rrjedhojë do të rritet numri i të punësuarve dhe pagat./CNA.al