Kontejnerët me drogë i grabiten/ Miliona euro nuk ndalen për reklama të "Bana King"

18 Korrik 2022, 10:37, Editorial CNA

Kontejnerët me drogë i grabiten/ Miliona euro nuk ndalen për

Herë ia rrëmbejnë kokainën rrugës për në magazinë dhe herë sapo mbërrin në port.

Kjo është historia e bananeve me drogë, aq fort të reklamuara si "Bana King", nga Ziko Kompani.

Reklamohen bananet, droga zhduket, dhe përgjegjës nuk ka, gjithçka vazhdon sikur mos të ketë ndodhur asgjë, si nga drejtësia ashtu edhe nga Ziko Kompani, duke ngritur kështu një sërë dyshimesh.

Pra, janë qindra miliona euro reklamë, me qindra kuti banane të mbushura me kokainë që ia rrëmbejnë në port apo siç ia rrëmbyen në rastin e parë rrugës duke ikur në magazinë në Vaqarr.

Por, edhe pse kapet me drogë kompania vazhdon reklamat. Ardit Gjebrea dhe majmuni i tij nuk ndalen së shfaquri.

Kontejnerët me drogë i grabiten/ Miliona euro nuk ndalen për

Pamje nga reklama e "Bana King"

Janë me qindra miliona të hedhura në treg për reklama. Janë shumë lekë të hedhura, vetëm duke shitur banane?

Kjo është një pyetje që duhet t’u lindte organeve ligjzbatuese për Ziko Kompani.

Sepse hidhen miliona euro për reklama, edhe pse kapet me drogë, dhe megjithëse policia kërkon ta fshehë, mediat e zbulojnë që është "Bana King"-u.

Në rastet e tjera kur policia ka arrestuar njerëz i ka dhënë emrat e kompanive.

Së fundmi sërish e fshehu ashtu siç fshehu kompaninë Ziko Kompaninë të "Bana King"-ut para disa muajsh.

Edhe herën e parë kur ndodhi, kur iu grabit kokaina rrugës për në magazinë, e fshehu policia, por e zbuluan mediat.

Dhe ndërkohë kompania vazhdoi të hidhte miliona e miliona euro për reklama, ndërkohë që vijojnë t’i kapen kontejnerët me drogë.

Ku i gjen këto para? Kaq i madh është fitimi nga bananet, sa të hedhësh miliona euro reklamim, ndërkohë që të vidhet kokaina nga kontejnerët dhe për më tepër askujt nuk i hyn gjemb në këmbë?

Fajtori ngelet pa faj, përgjegjësi pa përgjegjësi dhe drejtësia merret me shoferin, me rojen, me punëtorët e portit, me administratorin, ndërkohë nga ana tjetër" Bana King" nuk ndalon miliona euro për reklama.

Këtej kapen kontejnerët me drogë, nga ana tjetër droga i grabitet dhe ndërkohë miliona euro reklamë, Arditi me majmunin nuk ndalet.

Historia e "Bana King"-ut u bë histori majmunësh që tallen me drejtësinë shqiptare./CNA.al