LEXO PA REKLAMA!

SHKARKO APP

“Interpelancë urgjente për 50 lekë”/ Përplasen ministrja dhe deputetja e PD: Të lash monedha, ik vizitoje

5 Dhjetor 2022, 19:21, Aktualitet CNA
“Interpelancë urgjente për 50 lekë”/ Përplasen
Mirela Kumbaro dhe Ilda Dhori

Seanca e sotme plenare ka nisur me debate mes ministres Mirela Kumbaro dhe deputetes së PD, Ilda Dhori.

Kumbaro ka ironizuar faktin se kanë kërkuar interpelancë urgjente për shkak të vendosjes së tarifës për traun elektronik në parkun e Divjakës.

Sipas Kumbaros është thirrur në Kuvend për një monedhë 50 lekëshe.

Jam këtu për një interpelancë ‘urgjente’ dhe arsyeja është një monedhë 50 lekëshe. Çdo gjë mund të bëhet me 50 lekëshe. Me 5 veta çmimi është 150 lekë, d.m.th. 30 lekë për person. Dhe shifra reduktohet në bazë të personave që janë, pra sa më shumë persona aq më pak paguajnë. Nëse mendoni se çmimet i shpik unë, gaboheni.

Ju keni bërë edhe një kërkesë padi gjykatë për këtë punë dhe sot Gjykata e ka rrëzuar, do ishte në nderin tuaj të tërhiqeni por kthehemi në VKM. E gëzojnë Divjakën dhe mendojnë se mbahen me frymën e shenjtë.

Të gjithë ata që kemi parë që bërtasin se po privatizohet, janë mjeranë. Vetëm ju zonja Dhori e dini pse i thoni këto broçkulla këtu! Ju e dini mirë që janë broçkulla. Ti lash monedhat këtu, i keni gati ta vizitoni ndonjëherë se e di që s’keni qene”, tha Kumbaro.

Nga ana tjetër deputetja e PD është shprehur se qeveria flet me dy standarte.

“Besoj se e keni kuptuar sesa e turpshme është për një ministre të tallet me qytetarët këtu që ka lënë monedha. Ktheja ministres, se ndërkohe që bëjnë propagandë për pensionistët, thonë 50 lekë është shumë pak. Se vë në dyshim që është shumë pak, por për atë pensionistin që pret të vizitojë ajrin e Divjakës na qenka shumë. Është e tmerrshme se ku ka arritur arroganca e politikanë. S’po flasim për xhepat tuaj të majmë, flasim për çështje dinjiteti, s’ka pse ka një taksë për oksigjenin. Recituat shumë mirë dhe tregoni nivelin tuaj të informimit. S’flitet për qindarkat zonjë. Ministrja recitoi një gafë të faqes zyrtare me të cilën kam qeshur dhe jam shokuar nga injoranca e ministres dhe ministrisë. Qytetarët lanë arat e tyre për të mbrojtur pronën publike se u dukej me prioritare. Ministria bën një deklaratë epike, qesharake të cilën ministrja e citoi dhe sot”, tha Dhori./ CNA.al

Lajmet e fundit nga