web counter
LEXO PA REKLAMA!

SHKARKO APP

App Store
Google Play

E fundit!

x

Njeriu i mëkëmbësit të inceneratorëve emërohet në krye të Agjencisë së Pasurive të Sekuestruara

12 Shkurt 2024, 13:52, Aktualitet CNA

Njeriu i mëkëmbësit të inceneratorëve emërohet

Anëtari i Kryesisë së PD-së Belind Këlliçi ka bërë me dije se ministri Taulant Balla ka emëruar në krye të Agjencisë së Pasurive të Sekuestruara Ferdinand Tarazhin, njeriun e besuar të baxhanakut të Mirel Mërtirit, Mark Jaka, mëkëmbësit të inceneratorëve.

“Jam në këtë komunikmim se ditën e sotme Balla ka emëruar në krye të Agjencisë së Pasurive të sekuestruara Ferdinand Tarazhin.

Tarazhi është një ish drejtor në Ministrinë e Brendshme i denoncuar në SPAK në vitin 2021 nga KLSH për abuzim me procedurat tenderuese për rikonstruksionin e komisariateve, hetim të cilit ende nuk i dihet fati.

Në qershor të vitit 2023, ky personazh punësohet si Drejtor i Shërbimeve Operacionale në landfillin e Sharrës nga Integrated Energy BV SPV, si njeriu i besuar i baxhanakut të Mirel Mërtirit, Mark Jaka për të vazhduar biznesin fitimprurës të dherave.

Biznes i cili ka gjeneruar dhjetëra miliona euro të cilat dhe sot fshihen kesh siç thotë SPAK, ose metra katrorë ndërtim të shpërndara në të gjithë kullat e Tiranës, të cilat sigurisht kjo strukturë refuzon t’i shohë”, denoncoi Këlliçi.

Këlliçi në deklaratën për mediat theksoi se ky veprim fakton qartë se kryebashkiaku Erion Veliaj nuk ka ndërmend të heqë dorë nga biznesi i tij duke i bërë karshillëk strukturës speciale

“Ky veprim fakton fare qartë se Erion Veliaj nuk ka ndërmend të heq dorë nga biznesi i tij duke i bërë karshillëk strukturës speciale, e cila tashmë të gjitha informacionet se çfarë ndodh në atë vend krimi do i marrë nga pronari faktik, emrin e të cilit SPAK nuk guxon ta përmendë, e jo më ta hetojë”, vijoi më tej denoncimin Këlliçi./ CNA





Lajmet e fundit nga