LEXO PA REKLAMA!

SHKARKO APP

Rama, i sigurt për fitoren në 2025/ “Nuk kanë kuptuar se me kë kanë të bëjnë”

11 Shkurt 2024, 18:07, Aktualitet CNA
Rama, i sigurt për fitoren në 2025/ “Nuk kanë kuptuar se me
Edi Rama

Kryeministri Edi Rama është shprehur i sigurt për fitoren në zgjedhjet parlamanetare të vitit 2025.

I pyetur nga gazetarët se sa mandate do të fitojë, Rama deklaroi se do të marrë më shumë se asnjëherë më parë.

Ndërsa mesazhi ishte i qartë dhe për opozitën, duke thënë se nuk e kanë kuptuar ende se me kë kanë të bëjnë kur del përballë PS.  

“Me më shumë se asnjëherë tjetër. Se sa do jenë do t’ju themi rrugës kur të jemi shumë të qartë sepse ne dimë se çfarë kërkojmë kur shkojmë në zgjedhje e ndryshe nga shumëkush që komenton rezultatet tona duke ia mveshur ato arsyeve nga më të ndryshmet por jo arsyeve të vërteta, nuk ka kuptuar akoma se me kë ka të bëjë kur i del përballë Partisë Socialiste”, tha Rama.

Ndër të tjera, sa i përket kritikave gjatë mbledhjes për bashkitë e humbura në zgjedhjet e 14 Majit, Rama tha se ka pakënaqësi për çdo gjë që bën vetë, qeveria apo partia, por megjithatë nënvizoi se do të fitojë zgjedhjet parlamentare.

"Unë kam pakënaqësi për çdo gjë që bëj vetë, për çdo gjë që bën qeveria, për çdo gjë që bën Partia Socialiste, sepse pakënaqësia më ka çuar dhe më çon përpara dhe pa pakënaqësi do të thotë që nuk kemi më asgjë  për t’i dhënë këtij vendi dhe shyqyr që kemi pakënaqësi dhe shyqyr që bashkëjetojmë me nevojën për të qenë të pakënaqur, sepse po ramë në vetëkënaqësi, atëherë nuk kemi më funksion", u shpreh Rama./ CNA

Lajmet e fundit nga