web counter
LEXO PA REKLAMA!

SHKARKO APP

App Store
Google Play

Alma Kaçi hap “thesin”, tregon si bashkitë e majta blenë votat

9 Shkurt 2024, 22:38, Aktualitet CNA
Alma Kaçi hap “thesin”, tregon si bashkitë e majta
Alma Kaçi

Pasi u dënua me 1 vit burg për "Prostitucion", Alma Kaçi ka vendosur të hapë "thesin" dhe të “zhysë” në të edhe kryebashkiakë dhe ish kryebashkiakë të tjerë që sipas saj ka patur material se blinin vota.

Gjatë një interviste për Syri.Tv, Alma Kaçi ka përmendur për këtë rast ish kryebashkiakun e Kavajës, Bashkinë e Roskovescit dhe të Fierit.

Sipas Alma Kaçit, nga Bashkia e Roskovecit dhe ajo e Fierit i ishin kërkuar emrat dhe mbiemrat e personave që kishte në fis dhe në këmbim të votës i kishin ofruar punë.

Ndërsa për ish kryebashkiakun e Kavajës u shpreh se në këmbim të votave jepte tollona, ushqime dhe para por ajo kishte pranuar vetëm ushqimet dhe tollonat.

“Janë të sekuestruar telefonat. Telefoni i djalit tim. Karta memorie, USB. Një tabletë. Edhe gota me të cilin kam kryer filmimin.

Aty ka materiale. Janë bisedat që unë kam bërë në bashkinë e Fierit, në bashkinë e Roskovecit, në bashkinë e Kavajës. Janë të gjitha aty dhe uroj të mos jenë fshirë”, ka thënë ajo ndër të tjera.

Kujtojmë se Alma Kaçi ishte personi që filmoi videon seksuale në zyrën e ish kryebashkiakut Safet Gjici për llogari të saj, pasi kërkonte të përfitonte një tender për qentë e rrugës./ CNA





Lajmet e fundit nga