LEXO PA REKLAMA!

SHKARKO APP

Fermerët e Devollit, në protestë/ Ulet me 30% çmimi i grumbullimit të produkteve

10 Shkurt 2024, 17:16, Aktualitet CNA

Fermerët e Devollit, në protestë/ Ulet me 30% çmimi i

Fermerët dhe blegtorët e zonës së Devollit kanë protestuar për uljen e çmimit të produkteve bujqësore dhe blegtorale nga grumbulluesit.

Ata janë mbledhur në hyrje të qytetit të Bilishtit, ku kanë sjellë edhe mjetet e tyre bujqësore.

Shqetësim për blegtorët mbetet çmimi i ulët dhe larg kostove, me të cilin baxhot u blejnë qumështin. Krahasuar me vitin e kaluar çmimi është ulur me 30%, gjë që i ka vënë blegtorët në vështirësi.

Mungesa e subvencioneve dhe kostot e larta për të mbajtur fermat blegtorale po i detyron ata të ulin numrin e bagëtive. Konkurenca nga produktet e importit po çon blegtorët drejt braktisjes së fermave.

Me të njëjtën problematikë po përballen edhe fermerët, të cilëve pjesa më e madhe e grurit të prodhuar u ka mbetur stok.

Fermerët i kanë drejtuar disa kërkesa qeverisë, që lidhen me barazimin e TVSH-së për produktet bujqësore, rimbursim për çdo litër qumësht, si dhe heqjen e taksës së naftës për mjetet bujqësore.

Fermerët kanë paralajmëruar përshkallëzim të protestave nëse kërkesat e tyre nuk do të konsiderohen nga strukturat shtetërore./ CNA

Lajmet e fundit nga