LEXO PA REKLAMA!

SHKARKO APP

Inskenoi skemën e kërcënimit/ Gjyqtarja arratiset nga Shqipëria

10 Shkurt 2024, 20:51, Aktualitet CNA
Inskenoi skemën e kërcënimit/ Gjyqtarja arratiset nga
Gjyqtarja Arnisa Këlliçi

Gjyqtarja Arnisa Këlliçi është arratisur nga Shqipëria, mëson CNA.

Burime për CNA bëjnë me dije se gjyqtarja ka ikur në SHBA.

Ky veprim i saj ka ardhur pasi plasi skandali se ka inskenuar mesazhe dhe letra kërcënimesh vetë, duke mashtruar publikun.

Të njejtat burime, i thanë CNA se Arnisa Këlliçi është larguar nga vendi pasi ka filluar hetimi dhe është zbardhur skema.

Ajo përdori miq të saj në media dhe pasi filloi hetimi u largua nga Shqipëria. Gjyqtarja përdori numra të ndryshëm telefoni për t’i çuar mesazhe vetes dhe shantazhuar të tjerët.

Përveç kësaj, ajo kërkoi mbrojtje në Këshillin e Lartë Gjyqësor. Megjithatë skema u zbulua nga kamerat brenda gjykatës, si dhe nga akti i ekspertimit grafik

Gjyqtarja dyshohet se ka mashtruar dhe për këtë arsye ajo është marrë e pandehur nga prokuroria për "kallëzim të rremë" dhe për "falsifikim të dokumenteve".

Prokuroria e Tiranës njoftoi 3 ditë më parë se Këlliçi ka inskenuar vetë gjithçka për interesa të pista./ CNA

Lajmet e fundit nga