LEXO PA REKLAMA!

SHKARKO APP

Bylykbashi ngre shqetësimin/ I drejton gishtin qeverisë për shkatërrimin e arsimit

12 Shkurt 2024, 11:23, Aktualitet CNA
Bylykbashi ngre shqetësimin/ I drejton gishtin qeverisë për
Nënkryetari i PD-së, Oerd Bylykbashi

Nënkryetari i PD-së, Oerd Bylykbashi, në konferencën e Departamentit të Arsimit dhe Shkencës ka ngritur shqetësimin mbi atë që po ndodh sot me arsmin, ku ka theksuar se shkollat po braktisen dhe nxënësit po largohen.

Bylykbashi ka deklaruar se arsimi sot në Shqipëri nuk prodhon asnjë lloj shprese dhe besimi për të rinjtë që të qëndrojnë dhe të mos largohen.

Për këtë ai i drejton gishtin qeverisë Rama që sipas tij ashtu siç ka shkatërruar çdo sistem, po shkatërron dhe arsimin.

“Shkollat po mbyllen, komunitetet po braktisen. Kjo tregon se çfarë do të jetë kapaciteti arsimor në të ardhmen dhe ky është një produkt i kësaj qeverisjeje.

Arsimi shqiptar ka rënien më të lartë se në vendet e tjera.

Një aspekt shumë i rëndësishëm negativ që tregon dhe vullnetin negativ është përdorimi i sistemit arsimor si një detashment politik.

Përdorimi i mësuesve nga patronazhistët për vota. Presioni mbi arsimtarët për të votuar në favor të qeverisjes së Edi Ramës ka një pasojë dërrmuese jo vetëm mbi meritokracinë, por dhe në mënyrën si perceptohet arsimi shqiptar.

Në këtë 10-vjeçar janë 100 mijë nxënës të ciklit 9-vjeçar më pak, janë 60 mijë nxënës të shkollës së mesme më pak.

Politikat grabitqare dhe korruptive të qeverisë Rama po shkatërrojnë arsimin siç kanë shkatërruar dhe çdo institucion tjetër.

Po ikin mësuesit, po ikin nxënësit. Arsimi sot nuk prodhon asnjë lloj shprese dhe besimi për të rinjtë që të qëndrojnë”, është shprehur Bylykbashi./ CNA

 

Lajmet e fundit nga