LEXO PA REKLAMA!

SHKARKO APP

“Divorci” i gazetarit me televizionin "ABC"/ Berisha zbulon arsyet e pushimit të tij

14 Shtator 2023, 14:49, Aktualitet CNA
“Divorci” i gazetarit me televizionin "ABC"/ Berisha
Ish-kryeministri Sali Berisha

Ish-kryeministri Sali Berisha ka komentuar largimin nga puna të gazetarit Fedrinand Dervishi nga televizioni "ABC".

Në fjalën e tij në Kuvend, Berisha u shpreh se ai me guxim të plotë kërkoi hetimin e ministrit të Brendshëm Taulant Balla për plaçkitjen e databazës së TIMS.

Sipas Berishës, Dervishin e ka pushuar nga puna pronari që herë shfaqet dhe herë zhduket, por nuk mund të trajtojë si leckë gazetarët.

Ish-kryeministri u bëri thirrje të gjithë gazetarëve që të qëndrojnë në mbështetje të gazetarit Ferdinand Dervishi, pasi me shkrimin që bëri duke kërkuar hetimin e Ballës, rrezikoi për vete dhe vendin e punës nga banditët në pushtet.

"Pronari i 'ABC'-së, bashkë me lëpirësin Balla kanë pushuar nga puna njërin nga gazetarët më të shquar në fushën e investigimit, zotin Ferdinand Dervishi. Nëse pranojmë të flaken si lecka gazetarët, të cilët me hetimet e tyre japin një kontribut të madh në interesin publik, ky parlament nuk ka pse të jetë më. Dervishi me guxim të plotë kërkoi hetimin e Taulant Ballës për plaçkitjen e databazës së TIMS-it. Për plaçkitjen që bënë përmes Elvin Muços.

Dervishin e pushoi nga puna pronari që herë shfaqet herë zhduket, por e garantoj se nuk do të mund të shfaqet dhe as të zhduket dhe nuk do të mundet kurrë gazetarët t'i flakë si leckë.

Me Ramën shko ku të duash, lëviz akcizën e birrës. Me gazetarët dhe fjalën e lirë nuk mund të luash si të duash, i them atij pronarit të 'ABC'-së. Shpreh solidarizimin tim të plotë me Ferdinand Dervishin, u bëj thirrje gazetarëve në Shqipëri dhe në botë të qëndrojnë në mbështetje të tij se me shkrimin që bëri duke kërkuar hetimin e Ballës rrezikoi për vete dhe humbet vendin e punës nga banditët në pushtet", tha Berisha. /CNA

 

Lajmet e fundit nga