LEXO PA REKLAMA!

SHKARKO APP

MEGAOPERACIONI/ Rrumbullaku jep detajet: 296 masa arresti, 82 persona në kërkim

14 Shtator 2023, 12:04, Aktualitet CNA

MEGAOPERACIONI/ Rrumbullaku jep detajet: 296 masa arresti, 82 persona në

Kreu i Policisë së Shtetit, Muhamet Rrumbullaku, ka bërë me dije detajet nga operacioni antidrogë mbarëkombëtar.

Rrumbullaku tha se vijon lufta ndaj shpërndarjes së lëndëve narkotike.

Sipas të dhënave, janë marrë 296 masa arresti me burg, janë kryer 356 kontrolle në biznese dhe banesa. Janë marrë 214 masa sigurie.

Ndër të tjera bëri me dije se janë arrestuar edhe 19 persona të tjerë, ndërsa 82 persona janë në kërkim.

Këta u përkasin 23 grupeve kriminale.

Ndër të tjera bëri me dije se në 8 muaj janë sekuestruar 829 kg kanabis, 61.5 kg heroinë dhe 15.5 kg kokainë dhe ekztazi.

Janë zhvilluar gjithsej 38 hetime.

Nga strukturat janë finalizuar 116 operacione me përfshirjen e 2-3 personave si shpërndarës.

1541 shtetas janë hetuar në gjendje të lirë për shpërndarje të lëndëve narkotike.

Operacioni është shtrirë në qytetet Berat, Vlorë, Shkodër, Dibër, Kukës, Tiranë, Fier, Durrës./ CNA

Lajmet e fundit nga