LEXO PA REKLAMA!

SHKARKO APP

“Luftë e pakompromis”/ Balla ngre alarmin: Përdorimi i drogës në përmasa të mëdha, trend te të rinjtë

14 Shtator 2023, 12:12, Aktualitet CNA

“Luftë e pakompromis”/ Balla ngre alarmin: Përdorimi i

“Rritja e numrit të personave që konsumojnë drogë, ulja e moshës së përdorimit të lëndëve narkotike është një kambanë alarmi.”

Kështu u shpreh Ministri i Brendshëm, Taulant Balla, në një dalje për mediat teksa u komunikua lidhur me megaoperacionin policor ku u shkatërruan 23 rrjete kriminale.

Sipas Ballës, është shtuar përdorimi nga të rinjtë dhe I drogave sintetike ndaj dhe duhet të ketë një bashkëpunim të lartë mes institucioneve, shkollës si dhe komunitetit.

“Falënderoj të gjithë për organizimin me sukses të plotë të këtij megaoperacioni që ishte kapilar, i mirëkoordinuar për identifikimin dhe goditjen e rrjeteve kriminale të përdorimit e shpërndarjes së lëndëve narkotike, është një luftë e pakompromis kundër trafikimit të lëndëve narkotike. Operacioni shënoi rezultate që do t’i quaja imprensionuese. Janë ekzekutuar 365 masa për kontrolle. Kjo tregon se Policia e Shtetit i ka të gjitha kompetencat, përvojën, kapacitetet për të luftuar kriminalitetin. Përdorimi i substancave narkotike ka marrë përmasa të reja kudo. Ka rritje të rasteve të personave që përdorin lëndë narkotike në vendin tonë, përdorimi nga të rinjtë po përbën trend në rritje. Është ulur mosha e përdoruesve. Është shtuar përdorimi nga të rinjtë dhe i drogave sintetike. Këto janë një kambanë alarmi, shkolla, institucionet e shoqëria të reagojnë të gjithë së bashku.”

Gjithashtu ai bëri me dije se po punohet dhe për krijimin e një aleance ndërinstitucionale kundër përdorimit të drogës.

“Ministria e Brendshme synon të ngrejë në ditët në vijim në një aleancë ndërinstitucionale kundër përdorimit të drogës, për ndërgjegjësimin e parandalimin e trafikut të lëndëve narkotike.”/ CNA

Lajmet e fundit nga