E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

E quajti kriminel/ Biznesmeni i përgjigjet Bashës: Kemi qenë miq, gruan ia kam konsideruar si motër!

7 Janar 2022, 09:03, Politikë CNA

Biznesmeni Myftar Lumeshi, ka reaguar pas akuzave të rënda të drejtuara ndaj tij, nga Gazment Bardhi, i besuari i Lulzim Bashës.

Në një lidhje direkte për emisionin “Të Paekspozuarit” në MCN TV, Lumeshi tha se nuk i kupton këto akuza dhe shpifje ndaj tij, sepse Bashën e ka patur mik familje dhe e ka ndihmuar në ditët më të këqija.

Madje Lumeshi shfaqet në fotografi me bashkëshorten e Bashës dhe me vetë Bashën në shumë ambiente, çka tregon se kanë patur marrëdhënie të afërt.

Pjesë nga biseda:

Myftar Lumeshi: Ashtu si ju unë u habita fare me këtë B9, avion, pije energjike? Habitem nga këto shpifje dhe sajesa që kanë bërë këto ditë.

Ylli Rakipi: Ju jeni njeri që njiheni si mik i afërt i Lulzim Bashës, madje edhe sponsor i tij. Si të quan sot kriminel?

Myftar Lumeshi: Që në vitet 90 jam demokrat i lidhur me PD-në. Kam marrë pjesë në të gjithë fushatat, eventet, ditët më të vështira të PD kur i ka patur. Edhe në kohën e zotit Basha edhe në kohën e Berishës, kam qenë aty. U habita fare për këto, se zotin Basha e kam patur mik.

Ylli Rakipi: Po sponsorizim cfarë i keni bërë?

Myftar Lumeshi: Sic kanë bërë gjithë demokratët për partinë. Kam qenë gati cdo gjë për të bërë që të vijë në pushtet ,por zoti Basha nuk e kuptoj përse arriti deri në këtë pikë me mua. Nuk i kam çuar asnjë haber dhe nuk kam komunikuar.

Ylli Rakipi: Ti ke patur marrëdhënie aq të mira, sa në miting ishe në foto me gruan e Lulzim Bashës.

Myftar Lumeshi: E kam konsideruar si motër gruan e Lulzim Bashës. Kam patur konsiderata shumë të larta par familjen e tij, për Lulin, kam marrë pjesë në çdo protestë. Se si kaloi në këtë pike?

Ylli Rakipi: Një mendim patjetër e ke ti, pse kaloi këtu?

Myftar Lumeshi: Halli politik i Bashës nuk duhet të kalojë deri të miqtë, që e kanë mbështetur në ditët më të vështira. Këto ditë nuk është shumë në terezi, është i tronditur. Ato akuza që bëhen janë të pabaza. Nuk kam lidhje me këto, jam biznesmen që në vitet 90′. Thanë person non-grata në Angli, unë shkoj kur të dua në Angli.

Ylli Rakipi: Me Gazin nuk ke ndonjë foto?

Myftar Lumeshi: Me Gazin nuk kam foto se nuk kam preferuar. Nuk më shkon për foto me Gazin.

Arjan Çani: Jam kurioz ta di. Ti Bashën e ke njohur nëpërmjet Berishës. Fakti që Basha të akuzoi, pyetja ime është e thjeshtë. Basha të ka kërkuar ndonjë gjë dhe ti nuk ja ke dhënë? Pra të ka kërkuar gjë konkretisht? Ti je edhe biznesmen, ndoshta e ke ndihmuar edhe partinë.

Myftar Lumeshi: Unë kam qenë gjithnjë në krah të Bashës, i pakursyer sa herë ai ka patur nevojë dhe kam patur marrëdhënie shumë të mirë me të. Pas shtatorit, rreshtimi në krah të Berishës, është kryesorja. Pastaj të tjerat…

Arjan Çani: Pra ka patur edhe gjëra të tjera..

Myftar Lumeshi: Kjo është kryesorja…

Arjan Çani: Të ka kërkuar diçka konkretisht?

Myftar Lumeshi: Ai nuk më ka kërkuar të rreshtohem në krah të tij, se nuk shkoja kurrë te ai.