Hoxha sfidon kupolën e Bashës/ Hajdeni dhe verifikoni çdo votë në njësinë 8

6 Janar 2022, 16:58, Politikë CNA
Hoxha sfidon kupolën e Bashës/ Hajdeni dhe verifikoni çdo

Ish-anëtari i Këshillit Kombëtar Indrit Hoxha ka reaguar pas akuzave nga Enkelejd Alibeaj se është manipuluar referendumi i 18 dhjetorit, ku Lulzim Basha u shkarkua si kryetari i PD-së nga rreth 44 mijë demokratë.

Në postimin e tij në facebook, Hoxha i ka sfiduar Gazment Bardhin, Jorida Tabakun dhe Enkelejd Alibeajn që të shkojnë dhë të verifikojnë të 774 votave të demorkatëve të Njësisë 8 në Tiranë pro shkarkimit të Lulzim Bashës nga kryetar i PD-së.

Postimi i plotë i Indrit Hoxhës:

Demokratët e njësisë 8 më dt 18 dhjetor shkarkuan me votë të lirë Lulzim Bravën si kryetar. E refuzoi njësia 8! Ata që e njohin më mirë se kushdo!. Verdikti i demokratëve nuk devijohet dot as nga ekranet e paguara nga Lulzim Brava dhe inceneratorët e as nga video montazhet e tyre! Ftoj Lulzim Bravën,deputet Gaz Bardhin, Jorida Tabaku, Enkelejd Alibeaj, ti drejtohemi komisionit qendror të zgjedhjeve të referendumit të datës 18 dhjetor, për të bërë transparencën dhe verifikuar çdo demokrat nga 774 demokratët e degës 8 Tiranë që kanë marrë pjesë në votim, me emër mbiemër, kartë anëtarise të PD, firmë dhe nr personal ID. Pengu që ka bunkerizuar PD Lulzim Brava nuk e shpëtojnë dot as montimet e kamerave dhe as bravat nga përmbaruesit demokrat të datës 8 janar./CNA.al

Lajmet e fundit nga