Krimi i paralajmëruar/ Banorët nxjerrin zbuluar drejtësinë

17 Nëntor 2021, 09:20, Kronika CNA
Krimi i paralajmëruar/ Banorët nxjerrin zbuluar drejtësinë

Banorët e fshatit Greçalli tregojnë se Klodian Çalamani, i cili vrau në mënyrë makabre 8-vjeçarin në Fier, cilësohej si person problematik. Ata theksojnë se ai ishte shpesh shihej nën ndikimin e alkoolit dhe bënte gjeste të turpshme kundrejt banorëve, ndaj ky krim që trondini vendin ishte disi i paralajmëruar.

“Jemi tronditur shumë. Nuk ka ndodhur ndonjëherë kjo histori. Ne nuk e dinim, pa nuk e linim. Ai nuk na kishte bërë ndonjë gjë, pinte dhe nuk kishte tru shumë, bënte maskarallëqe dhe me ne që ishim nëna, bënte 500 ndyrësira. 

Ishte rrugaç. Ai Mateon e mori si për të marrë biçikletën. E pashë te rruga dhe tha ja po rri. E pamë që ai foli me atë, por menduam si gjithmonë. Edhe fëmijën e komshiut tjetër ai e merrte brenda, e ushqente e mbante. 

Nuk e dinim që mund të shkonte deri këtu. Ai ka gjetur rrugën bosh para se të bënte këtë gjë”, tha një banore.

Banorët kërkojnë drejtësi për vogëlushin, jeta e të cilit u ndërpre tragjikisht ditën e djeshme.

“Ne duam që ai të varet, jo burg të përjetshëm, djali jonë nuk vjen më. Ça t’i lërë shteti këto lloj mostrash? Lihet ai në burg? Ai është monstër”, shprehen banorët.

Mëngjesin e kësaj të mërkure, nxënësit e klasës së tretë në shkollën ‘Thanas Ikonomi” në fshatin Greçalli vendosën një tufë me lule e po ashtu edhe disa vizatime të punuara nga 8-vjeçari, në kujtim të shokut të tyre të klasës, të cilit ia morën jetën tragjikisht./CNA.al

Lajmet e fundit nga