Vrasja mizore e 8-vjeçarit/ Kreu i KMSH ngre alarmin

16 Nëntor 2021, 20:17, Kronika CNA
Vrasja mizore e 8-vjeçarit/ Kreu i KMSH ngre alarmin

Kreu i KMSH-së, Bujar Spahiu ka reaguar për ngjarjen trondistëse në Fier, ku Klodian Çalamani, 38 vjeç, vrau barbarisht fëmijën 8-vjeçar.

Spahiu ngre alarmin se drejtësia duhet të veprojë, duke theksuar se persona me rrezikshmëri të tillë nuk duhet të lëvizin lirshëm.

?Trishtues lajmi që po përcillet nëpërmjet mediave për ngjarjen makabre të ndodhur sot në një fshat të Fierit!

Lutjet e mia shkojnë për prindërit e fëmijës së ndjerë, Zoti u dhëntë atyre durim!

Apeli shkon për institucionet e drejtësisë dhe ato të garantimit të sigurisë së qytetarëve, ngjarje të tilla të përsëritura, siç është rasti i sotëm, nuk duhet të ndodhin më kurrë.

Është e pa pranueshme që persona me precedentë të rëndë penale të enden të lirë në shoqëri.

Është koha që të reflektojmë të gjithë si shoqëri, gjithsecili nga ne ka kontribut për të dhënë që shoqëria jonë të bëhet më e mirë, më e paqtë?, shkruan Kreu i KMSH-së në një status në rrjetin social Facebook./CNA.al

Lajmet e fundit nga