Pas denoncimit të CNA.al/ RTSH hap garën për drejtorin e ri

28 Tetor 2021, 11:44, Politikë CNA

Pas denoncimit të CNA.al/ RTSH hap garën për drejtorin e ri

Këshilli Drejtues i Radio Televizionit Shqiptar është mbledhur të enjten e datës 28 tetor dhe ka vendosur të çelë zyrtarisht garën për postin e Drejtorit të Përgjithshëm të RTSH.

Hapja e kësaj gare erdhi pas ëvizjeve të dyshimta antiligjore nga persona të caktuar si ish -drejtori Thoma Gëllçi për të marrë drejtimin e RTSH.

CNA.al ka denoncuar që me 17 Maj 2021, se si po tentohej të manipulohej gara për drejtor të RTSH.

Ishte Thoma Gëllçi, i cili sot ndodhet në qeli, që edhe pse i kishte mbaruar mandati, vijonte të kishte rolin e Drejtorit.

Dy javë pasi i kishte mbaruar mandati, Gëllçi shkonte në zyrën e RTSH-së, si ta kishte pronë private.

CNA.al ka publikuar dokumentin zyrtar të Kuvendit, i cili kërkonte nga Këshilli Drejtues i RTSH-së, informacion në lidhje me procedurat e ndërmarra për plotësimin e vakancës dhe zgjedhjen e Drejtorit të ri të Përgjithshëm.

Në të njëjtin dokument të firmosur nga Sekretari i Përgjithshëm, Genc Gjonçaj thuhej, se mandati i Drejtorit të RTSH ka përfunduar që me datën 6 Maj, ndërkohë Gëllçi edhe 11 ditë më vonë qëndronte në detyrë.

Pas absurditetit që ndodhi me Gëllçin, dolën në skenë emra të rinj.

Njëri prej ttyre ishte Sokol Balla. Ky i fundit moderator që gjatë këtyre viteve, më shumë sesa ngritje në karrierë ka njohur ulje. Nga drejtor informacioni në Top Channel, shkoi në Vizion Plus, dhe tani në një televizion me titra, si News 24.

Një njeri që ka bërë turizëm mediatik, dhe për të cilin thuhet se ka lidhje të afërta me partinë në pushtet, gjë që e dyshohet se kompromenton në kandidaturën për drejtues të RTSH.

Pasi për RTSH kontribuojnë të gjithë qytetarët shqiptarë me taksat e tyre në mënyrë që të jetë një institucion i pavarur dhe jo të komandohet me direktiva politike.

Sipas Këshillit drejtues të RTSH, gara do të quhet e hapur zyrtarisht me datë 1 Nëntor 2021, datë nga e cila kandidatët e interesuar do të kenë mundësi të dorëzojnë aplikimet e tyre. /CNA.al

Neni 11 i Statutit të RTSH-së parashikon se kandidatët e interesuar mund të dorëzojnë dokumentacionin e tyre më zarf të mbyllur për një periudhë 10 ditore që nga data e çeljes së garës, që në këtë rast është afati nga 1 deri më 10 Nëntor 2021. Më pas Këshilli Drejtues i RTSH bën vlerësimin e kandidaturave dhe me votim të fshehtë vendos përfshirjen e tyre në garë duke i renditur sipas rendit alfabetik./CNA.al

Thoma Gëllçit i mbaron mandati/ Merr peng RTSH

Si mashtroi Thoma Gëllçi/ Statuti i RTSH-së ?rrëzon? pretendimet e tij

Hapja e garës për zgjedhjen e Drejtorit të Përgjithshëm/ Voton Këshilli Drejtues i RTSH

Kush po e “grabit” drejtimin e RTSH?!

Loja me RTSH/ Gati kamikazi i Ramës

Skandalozi Sokol Balla në krye të RTSH-së?