LEXO PA REKLAMA!

SHKARKO APP

Tatimet paralajmërojnë bizneset/ Gjobë kush nuk paguan tatim fitimin

29 Mars 2019, 13:09, Aktualitet CNA
Tatimet paralajmërojnë bizneset/ Gjobë kush nuk paguan tatim

Drejtoria e Përgjithshme e Tatimeve, paralajmëron bizneset, të cilat nuk do të paguajnë tatim fitimin e vitit të kaluar brenda ditës së sotme do të gjobiten me 10 për qind të detyrimit.

Përmes një njoftimi zyrtar, administrata Tatimore i ka bërë thirrje të gjitha bizneseve që janë subjekt i Tatim Fitimit të derdhin pagesën brenda të premtes për të mos u penalizuar me gjobë.

?Drejtoria e Përgjithshme e Tatimeve ju rikujton tatimpaguesve, se data 30 mars  është afati i fundit i pagesës së kësteve të Tatimit mbi  Fitimin për 3-mujorin e parë të vitit 2019, bazuar në nenin 30 të ligjit nr.8438 dt.28.12.1998  ?Për tatimin mbi të ardhurat?, i ndryshuar.

Duke qenë se data 30 mars është ditë pushimi, për të shmangur çdo mbingarkesë të mundshme të sistemit bankar, DPT i kërkon tatimpaguesve që pagesa e kësteve të kryhet brenda datës së sotme 29 mars.

Në rast mospagimi të detyrimit brenda afateve ligjore, tatimpaguesi penalizohet në masën 10% të shumës së këstit për t?u paguar. Sipas dispozitave ligjore, detyrimin e pagesës e kanë tatimpaguesit, të cilët kanë përgjegjësinë tatimore të Tatimit mbi Fitimin.

Admnistrata Tatimore mbetet e angazhuar të informojë me korrektësi tatimpaguesit mbi të drejtat dhe detyrimet tatimore.?-thuhet në njoftimin e DPT./CNA.al

Lajmet e fundit nga