Burri kërcënon me kallash gruan oficere Policie

12 Prill 2017, 15:05, Aktualitet CNA

Një shtetas, me moshë 54 vjeçare, banues në qytetin e Krujës, është arrestuar pak minuta më parë pasi ka tentuar të qëllojë me armë zjarri automatik gruan e tij L.B. Ngjarja e porsandodhur është konfirmuar edhe nga Policia vendore e Krujës, efektivët e të cilës, me të marrë lajmin, janë nisur drejt shtëpisë dhe nga mbritja në kohë ja kanë dalë ta parandalojnë krimin.

Së bashku me lajmin, Policia ka sqaruar se personi kërcënues quhet Genci Boja. Arma me të cilën ai kërcenoi bashkëshorten e tij është e tipit ?Kallashnikov? dhe për posedimin e saj Boja nuk dispononte leje mbajtjeje.

Ndërkohë Policia bëri me dije se gruaja e tij L.B. është me detyrë oficere Policie. Ende nuk janë sqaruar rrethanat e shkuarjes tek kërcënimi me armë, por së bashku me shoqërimin në komisariat të Genc Bojës, policia sekuestroi  automatikun ?Kallashnikov?, dyzetë fishekë dhe një automjet. Akuza që rëndon mbi Genc Bojën është “ushtrim dhune në familje” dhe “armëmbajtje pa leje”./CityNEWS

Lajmet e fundit nga