LEXO PA REKLAMA!

SHKARKO APP

Zbulohet zyrtari i BE/Si tentoi shkatërrimin e Koalicionit Opozitar, oferta për vjedhje votash

12 Prill 2017, 12:16, Aktualitet CNA

Kreu i PBDNJ, Vangjel Dule, deklaroi një ditë më parë se një diplomat i rëndësishëm i huaj në një takim me disa parti politike opozitare u bëri një propozim të çuditshëm. Dule tha se diplomati u kërkoi që të tradhtojnë PD dhe Lulzim Bashën dhe si këmbim Edi Rama dhe KQZ do t’ju japë disa mandate deputeti me shumë se sa mund të marrin me PD!

Kjo akuzë shumë e rëndë e Vangjel Dules, u tha, por nuk përmendi emrin e diplomatit të rëndësishëm të huaj. Ndaj pas këtij lajmi, i cili u botua në disa media kryesore dhe tradicionale në vend, filluan sulmin disa media pranë qarqeve të biznesit të Edi Ramës, sikur lajmi është i sajuar dhe që bëhet nga mediat antireformë!

Por, sot rezultoi se akuza e Dules është e vërtetë dhe pas kësaj kërkese fshihet një zyrtar i huaj. Bëhet fjalë për Eduard Auer, shef për Divizionin për Ballkanin Perëndimor në BE. Takimi është bërë me datë 6 prill nga ora 17.30 deri në ora 18.30.

Ndërkohë, është bërë e ditur se zyrtari i lartë është thirrur në Tiranë nga ambasadorja e BE në vendin tonë, Romana Vlahutin. Ka qenë kjo e fundit që ka organizuar një takim me aleatët kryesorë të Lulzim Bashës, përkatësisht me Dashamir Shehin, Vangjel Dulen dhe Fatmir Mediun./CityNews

Lajmet e fundit nga