web counter
LEXO PA REKLAMA!

SHKARKO APP

App Store
Google Play

E fundit!

x

Vlahovic i pavendosur, pret klubet e mëdha

27 Korrik 2026, 20:28, Sport CNA

Vlahovic i pavendosur, pret klubet e mëdha

E ardhmja e Dusan Vlahoviç vazhdon të mbetet e paqartë, edhe pse ka kaluar pothuajse një muaj nga përfundimi i kontratës së tij me Juventusin. Sulmuesi serb është ende lojtar i lirë dhe deri tani nuk ka zgjedhur destinacionin e radhës, pavarësisht interesimit të disa klubeve.

Oferta më konkrete vazhdon të jetë ajo e Beshiktasit. Në fund të muajit qershor, Vlahoviç udhëtoi personalisht drejt Stambollit për të zhvilluar takime me drejtuesit e klubit turk dhe për të dëgjuar projektin që i ishte paraqitur.

Besiktasi i ka ofruar një kontratë me vlerë rreth 10 milionë euro në sezon, përfshirë bonuset, si edhe një bonus firme prej të paktën 5 milionë eurosh.

Një nga mbështetësit kryesorë të transferimit është trajneri Vinçenco Italiano, i cili e njeh shumë mirë sulmuesin serb nga periudha te Fiorentina. Në sezonin 2021, nën drejtimin e Italianos, Vlahoviç realizoi 17 gola në 22 ndeshje gjatë gjysmës së parë të kampionatit, duke konfirmuar potencialin e tij si një nga sulmuesit më produktivë të Serisë A.

Megjithatë, pavarësisht ofertës financiare, Vlahoviç nuk ka dhënë ende përgjigje. Sulmuesi vazhdon të presë mundësinë për të marrë një ofertë nga një prej klubeve më të mëdha të Europës. Sipas raportimeve, ai shpreson në një interes konkret nga Atletico Madrid, Barcelona ose Bayern Munich përpara mbylljes së merkatos verore.

Kjo pritje ka filluar të krijojë pakënaqësi te Besiktasi. Drejtuesit e klubit turk nuk janë të gatshëm të presin pafundësisht dhe kanë nisur të shqyrtojnë alternativa të tjera për repartin ofensiv.

Mes emrave që po monitorohen janë Alexander Sorloth dhe Darvin Nunez, për të cilin Besiktasi ka kërkuar informacione te Al Hilal për një huazim të mundshëm.





Lajmet e fundit nga