web counter
LEXO PA REKLAMA!

SHKARKO APP

App Store
Google Play

E fundit!

x

Vala e tretë e të nxehtit/ Ja kur do të shënohen temperaturat rekord

28 Korrik 2026, 09:44, Sociale CNA

Vala e tretë e të nxehtit/ Ja kur do të shënohen

Meteorologia Lajda Porja ka paralajmëruar se Shqipëria do të përfshihet sërish nga vala e të nxehtit afrikan.

Në një intervistë në "Euronews", Porja tha se temperaturat kanë nisur të rriten që nga e hëna, ndërsa kulmi i vapës pritet nga mesi i javës dhe gjatë javës së parë të gushtit.

“Që nga e mërkura dhe në vijim do të kemi rënie të intensitetit të erës, duke bërë që i nxehti të ndihet akoma më shumë. Maksimumi i temperaturave pritet të regjistrohet të enjten dhe të premten, kur termometri do të shënojë deri në 40 gradë Celsius,” tha ajo.

Ndërkohë, sipas meteorologes, në javën e parë të gushtit temperaturat do të arrijnë deri në 42 gradë Celsius.

Zonat më të nxehta do të jenë qarqet e Shkodrës, Elbasanit dhe Beratit, ndërsa temperatura shumë të larta do të regjistrohen edhe në Tiranë, Fier dhe Lushnjë. Edhe Kukësi dhe Hasi do të përballen me temperatura deri në 36 gradë, ndërsa zonat juglindore do të mbeten disi më të freskëta.

Meteorologia u shpreh se kjo është vala e tretë e të nxehtit gjatë muajit korrik dhe se pritet të zgjasë deri rreth datave 8-9 gusht.

Duke folur për rajonin, Porja tha se edhe Kosova, Maqedonia e Veriut dhe Mali i Zi do të përjetojnë rritje të ndjeshme të temperaturave gjatë mesjavës./ CNA





Lajmet e fundit nga