web counter
LEXO PA REKLAMA!

SHKARKO APP

App Store
Google Play

Kaos total tek Italia! Dështon Pirlo, rrezikon edhe Maldini. Kandidatët për stolin

27 Korrik 2026, 14:37, Sport CNA

Kaos total tek Italia! Dështon Pirlo, rrezikon edhe Maldini.

Gara për pankinën e kombëtares së Italisë është hapur sërish, pasi Andrea Pirlo ka bërë të ditur përmes rrjeteve sociale se nuk është më kandidat për postin e trajnerit. Pas këtij zhvillimi, Federata Italiane është rikthyer në kërkim të emrit që do të marrë drejtimin e skuadrës, ndërsa situata mbetet e lidhur edhe me të ardhmen e Paolo Maldini-t dhe Leonardo-s, të cilët kishin mbështetur kandidaturën e ish-mesfushorit.

Tashmë lista e kandidatëve është ngushtuar, por ende nuk ka një emër përfundimtar. Roberto Manccini vazhdon të konsiderohet zgjedhja e preferuar e presidentit të Federatës, Giovanni Malago.

Një tjetër alternativë mbetet Antonio Conte. Ish-trajneri i Napoli-t gëzon mbështetjen e disa presidentëve të klubeve të Serisë A, të cilët kanë pasur ndikim në zgjedhjen e Malago-s në krye të Federatës.

Në këtë skenar përmendet edhe mundësia që Giorgio Chiellini të marrë rolin e drejtorit teknik të kombëtares nëse Maldini largohet, çka mund të ndikojë edhe në zgjedhjen e trajnerit të ri. Megjithatë, mbetet e paqartë nëse Konte do të pranonte menjëherë këtë projekt apo do të preferonte të priste një ofertë nga një klub i madh.

Nëse Maldini dhe Leonardo do të vazhdojnë punën në Federatë me kompetenca të plota, nuk përjashtohet as mundësia që në skenë të dalin emra të tjerë. Stefano Pioli është një prej trajnerëve që përmendet si alternativë, duke pasur parasysh marrëdhënien e mirë që ka pasur me Maldini-n gjatë periudhës te Milan-i. Gjithashtu, në listën e mundshme figuron edhe Raffaele Paladino, emër që është përmendur në ditët e fundit si një tjetër opsion për pankinën e Italisë.

Ndërkohë, një pjesë e tifozëve mbështet vazhdimin e Silvio Baldini-t në krye të kombëtares. Ai drejtoi ekipin si trajner i përkohshëm në ndeshjet miqësore ndaj Luksemburgut dhe Greqisë, ndërsa pritet të jetë edhe trajner i Italisë U-21.





Lajmet e fundit nga