E fundit!

22:24 Politikë

Fragmentimi i investimeve publike/ Vetëm 7 bashki tejkalojnë pragun 31%

Raporti i hartuar nga ekspertët e socialistëve për Reformë...

Nisin problemet për Pirlon, do të ndërpritet kontrata

25 Korrik 2026, 19:34, Sport CNA

Përpara se emërimi i Andrea Pirlos në krye të kombëtares së Italisë të bëhet zyrtar, në mediat italiane vazhdojnë diskutimet rreth një çështjeje që lidhet me aktivitetet e tij jashtë futbollit.

Debati nuk ka të bëjë me aftësitë e tij si trajner, por me bashkëpunimin që ai ka pasur si ambasador global i kompanisë ruse të basteve Fonbet.

Sipas raportimeve, ky bashkëpunim është vënë në qendër të vëmendjes pasi posti i trajnerit të kombëtares konsiderohet një rol me përfaqësim institucional, ku trajneri nuk është vetëm drejtuesi teknik i skuadrës, por edhe një nga figurat që përfaqëson futbollin italian në arenën ndërkombëtare.

Andrea Pirlo u bë ambasador global i Fonbet gjatë periudhës kur drejtonte skuadrën e United FC në Emiratet e Bashkuara Arabe. President i këtij klubi është Sergey Lomakin, i cili, sipas raportimeve, ka përqindje edhe në kompaninë ruse të basteve. Pikërisht kjo lidhje ka qenë një nga arsyet që ka shtuar diskutimet.

Një tjetër moment që ka shkaktuar polemika ishte prania e Pirlos në Moskë, ku ai mori pjesë në aktivitetin e organizuar nga Fonbet. Kjo vizitë u zhvillua në një periudhë të ndjeshme për shkak të luftës në Ukrainë dhe solli reagime nga disa sportistë dhe figura të sportit ndërkombëtar.

Megjithatë, deri tani nuk rezulton që Andrea Pirlo të ketë shkelur ndonjë ligj apo rregull. Si profesionist i lirë, ai kishte të drejtën të nënshkruante marrëveshje sponsorizimi dhe bashkëpunime komerciale. Polemikat lidhen më shumë me aspektin etik dhe me mënyrën se si një figurë që pritet të drejtojë Kombëtaren e Italisë përfaqësohet në publik.

Sipas raportimeve, situata pritet të zgjidhet menjëherë në rast se Pirlo zyrtarizohet trajner i Italisë. Rregullat që lidhen me këtë detyrë nuk lejojnë që trajneri i kombëtares të ketë kontrata aktive me kompani bastesh. Për këtë arsye, marrëdhënia e tij me Fonbet do të ndërpritet automatikisht në momentin e emërimit.