Klopp prezantohet te Gjermania: Më pëlqen të jem i guximshëm, pres me padurim këtë sfidë

24 Korrik 2026, 15:42, Sport CNA

Klopp prezantohet te Gjermania: Më pëlqen të jem i

Stoli i kombëtares gjermane i është besuar zyrtarisht Jurgen Klopp, i cili merr postin e lënë bosh pas largimit të Julian Nagelsmann.

Kjo lëvizje në krye të pankinës erdhi pas eliminimit të parakohshëm të Gjermanisë nga Kupa e Botës, ku u mposhtën nga Paraguai me penallti në fazën e 1/16-ave.

Ish-timonieri i Liverpoolit ka nënshkruar një kontratë afatgjatë deri në vitin 2030, me synimin e qartë për t'i rikthyer katër herë kampionët e botës në elitën e futbollit.

Në konferencën e parë, tekniku 59-vjeçar premtoi një lojë të guximshme, intensive dhe të bazuar te kundërpresimi agresiv e mbrojtja me katër. Ai theksoi se vendi posedon një brez me talent të jashtëzakonshëm dhe se do të ndërtojë një bërthamë me ide të qarta taktike.

“Lojtarët do të kenë mundësi që as nuk i presin. Sepse mua më pëlqen të jem i guximshëm. Gjithmonë kam qenë dhe gjithmonë do të jem. Jam i etur të punoj me djem që luajnë një stil futbolli që të gjithë e shijojnë. Nuk ka gjithmonë sukses të menjëhershëm, por dua të sigurohem që njerëzit të shkojnë në shtëpi pas ndeshjes dhe të thonë “Uau”.

Kundërpresimi do të jetë kryesor. Një formacion i qëndrueshëm dhe një filozofi e qartë futbolli. Ne nuk do të luajmë me lojtarë që shënojnë. Skuadra më e mirë në Gjermani luan me lojtarët që shënojnë. Në Kupën e Botës, ekipi që fitoi luajti me katër lojtarë në mbrojtje. Edhe ne do ta bëjmë këtë. Do të luajmë edhe me krahët. Lojtarët e gjeneratës së sotme janë në krahë.

I shqyrtova emrat dhe pata një përshtypje jashtëzakonisht pozitive për ekipin. Ne kemi një sasi të madhe talentesh. Dua të përmirësoj gjithçka. Ta prezantoj ekipin kombëtar gjerman në një dritë pozitive, në mënyrë që përfundimisht të kthehemi në majë. E pres me padurim këtë sfidë. Kanë mbetur edhe dy muaj deri në ndeshjen e parë”, tha Kloop.

Tifozët gjermanë do të duhet të presin deri më 24 shtator për të parë debutimin e tij në stol, ku "Pancerat" do të përballen me Holandën në kuadër të Ligës së Kombeve.