web counter
LEXO PA REKLAMA!

SHKARKO APP

App Store
Google Play

Tjetër përballje Spanjë-Argjentinë, pritet të luhet brenda vitit

22 Korrik 2026, 16:24, Sport CNA

Tjetër përballje Spanjë-Argjentinë, pritet të luhet

Spanja dhe Argjentina mund të përballen sërish brenda vitit 2026 në atë që konsiderohet si Finalissima, ndeshja që vendos përballë kampionen e Evropës dhe kampionen e Amerikës së Jugut.

Pas finales së Kupës së Botës 2026, ku Spanja mposhti Argjentinën dhe u shpall kampione e botës, po shtohen zërat se dy përfaqësueset mund të takohen edhe një herë në një sfidë tjetër prestigjioze. Sipas raportimeve të fundit, stadiumi “Lusail” në Katar është kandidati kryesor për të pritur këtë përballje, e cila mund të zhvillohet gjatë muajit nëntor.

Fillimisht, Finalissima ishte planifikuar të luhej më 27 mars në Katar. Megjithatë, zhvillimet politike dhe shqetësimet për sigurinë në Lindjen e Mesme bënë që organizatorët të anulonin ndeshjen. Situata e krijuar në rajon ndikoi në planifikimin e udhëtimeve dhe në organizimin e aktivitetit, duke e bërë të pamundur zhvillimin e ndeshjes në datën e parashikuar.

Tashmë ideja është rikthyer në tryezë. FIFA, UEFA dhe CONMEBOL po shqyrtojnë mundësinë që Spanja dhe Argjentina të luajnë ndeshjen e mbetur pezull gjatë muajve të fundit të vitit.

Spanja vjen në këtë periudhë si kampione e Evropës dhe kampione e botës, ndërsa Argjentina mban statusin e fitueses së Copa America. Pikërisht këto suksese janë baza mbi të cilën ndërtohet Finalissima, një kompeticion që synon të bashkojë fituesit e dy kontinenteve më të rëndësishme të futbollit.

Ndërkohë, FIFA raportohet se po tregon interes të madh që kjo ndeshje të zhvillohet brenda vitit 2026.





Lajmet e fundit nga