web counter
LEXO PA REKLAMA!

SHKARKO APP

App Store
Google Play

Kupa e Botës drejt zgjerimit në 64 ekipe, vjen “konfirmimi”

21 Korrik 2026, 14:48, Sport CNA

Kupa e Botës drejt zgjerimit në 64 ekipe, vjen

Diskutimet për të ardhmen e Kupës së Botës kanë hyrë në një fazë të re, pasi ideja për një Botëror me 64 skuadra duket më pranë realizimit se kurrë më parë. Pas përfundimit të Botërorit 2026, vëmendja është zhvendosur te edicioni i vitit 2030, që do të shënojë edhe 100-vjetorin e kompeticionit më të rëndësishëm të futbollit ndërkombëtar.

Presidenti i CONMEBOL-it, Alejandro Dominguez, ka dalë publikisht në mbështetje të zgjerimit të turneut. Në një reagim të publikuar në rrjetet sociale, ai deklaroi se Botërori i vitit 2030, që do të ketë ndeshje në Uruguai, Argjentinë dhe Paraguai, përfaqëson një mundësi të veçantë për të organizuar një kompeticion me 64 skuadra.

Sipas Dominguez, ky format do të ishte një mënyrë për të festuar një shekull histori të Kupës së Botës dhe për t’i dhënë mundësi më shumë vendeve të marrin pjesë në skenën më të madhe të futbollit. Deklarata e tij është konsideruar nga shumë media si një sinjal i qartë se Amerika e Jugut do të vazhdojë të ushtrojë presion për zgjerimin e mëtejshëm të kompeticionit.

“Edicioni tjetër do të luhet në shtëpi. Në vitin 2030, Kupa e Botës do të mbahet në Uruguai, Argjentinë dhe Paraguai. Një mundësi e shkëlqyer për futbollin, për të festuar 100-vjetorin e Kupës së Botës me një garë me 64 ekipe”, këto fjalë duken si një njoftim zyrtar, duke pasur parasysh se vetë Domingez është një nga mbështetësit e mëdhenj të Botërorit të zgjeruar.





Lajmet e fundit nga