E fundit!

22:24 Politikë

Fragmentimi i investimeve publike/ Vetëm 7 bashki tejkalojnë pragun 31%

Raporti i hartuar nga ekspertët e socialistëve për Reformë...

Gafa, dëmtim dhe 4 gola. Amorim e nis me barazim te Milani

25 Korrik 2026, 18:16, Sport CNA

Milani e ka nisur fazën përgatitore për sezonin e ri me një barazim 2-2 në transfertë ndaj Celtic, në ndeshjen miqësore të zhvilluar në Glasgou. Ky ishte testi i parë veror për kuqezinjtë dhe njëkohësisht debutimi i Ruben Amorim në stolin e skuadrës italiane.

Trajneri portugez nuk kishte në dispozicion shumë prej futbollistëve kryesorë, të cilët vazhdojnë pushimet pas angazhimeve në Kupën e Botës.

Fillimi i ndeshjes ishte i vështirë për Milanin. Në minutën e 11-të, një pasim i gabuar i Pavlovic drejt Torrianit u shfrytëzua nga Duran, i cili përfitoi dhe dërgoi topin në rrjetë për avantazhin 1-0 të Celtic.

Skuadra skoceze dyfishoi epërsinë në minutën e 28-të. Këtë herë gabimi erdhi gjatë ndërtimit të aksionit mes Ricci, Pavlovic dhe Torrianit. Duran përfitoi edhe një herë, kësaj radhe duke shërbyer Forrest, i cili realizoi golin e dytë për vendasit dhe e çoi rezultatin në 2-0.

Në pushimin mes pjesëve, Ruben Amorim ndërhyri me disa zëvendësime.

Vetëm dy minuta pas fillimit të pjesës së dytë, Camarda fitoi një penallti dhe mori përsipër ekzekutimin. Sulmuesi italian ishte i saktë nga pika e bardhë, duke ngushtuar diferencën dhe duke rikthyer Milanin në lojë.

Presioni i kuqezinjve vazhdoi dhe në minutën e 52-të erdhi edhe goli i barazimit. Chukwueze krosoi nga krahu, ndërsa Camarda u shkëput në zonë dhe me një goditje me kokë realizoi golin e dytë personal, duke vendosur rezultatin 2-2.

Pas këtij momenti, Amorim vazhdoi të testonte skuadrën. Në fushë debutoi edhe mbrojtësi Gila, i cili qëndroi vetëm 20 minuta, pasi ai u detyrua të largohej për shkak të një problemi muskulor.

Rezultati nuk ndryshoi deri në fund dhe sfida u mbyll në barazim 2-2.

Për Milanin, kjo ishte ndeshja e parë e fazës përgatitore, në të cilën Ruben Amorim pati mundësinë të vlerësojë gjendjen e lojtarëve që kishte në dispozicion, ndërsa pritet që në ditët në vijim grupit t'i bashkohen edhe futbollistët kryesorë që munguan për shkak të pushimeve pas Botërorit.