web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e ish-volejbollistit/ Reagon Berisha: E parakohshme, me kontribut të veçantë edhe në PD

28 Korrik 2026, 20:26, Kronika CNA

Ndarja nga jeta e ish-volejbollistit/ Reagon Berisha: E parakohshme, me

Kryetari i Partisë Demokratike, Sali Berisha, ka ndarë një reagim lidhur me ndarjen nga jeta të Artan Pogonit.

Përmes një postimi në rrjetet e tij sociale, Berisha shkruan se Pogoni mbylli sytë para kohe dhe më këtë lajm,  sporti dhe volejbolli shqiptar humbën sot një prej sportistëve, trajnerëve, pedagogëve dhe akademikëve të vetë më të shquar; familja Pogoni humbi njeriun e dashur e të pazëvendësueshëm, bashkëshortin dhe prindin shembullor; studentët humbën pedagogun e përkushtuar, ndërsa Partia Demokratike humbi një prej drejtuesve të saj më të përkushtuar, i cili dha një kontribut të veçantë në krijimin dhe drejtimin e Departamentit të Sporteve.

Reagimi i plotë:

Dielli perëndoi përgjithmonë për Artan Pogonin.

Të dashur miq, Profesor Artan Pogoni krejt pa pritmas dhe shumë parakohe mbylli sytë përgjithmonë. Sporti dhe volejbolli shqiptar humbën sot një prej sportistëve, trajnerëve, pedagogëve dhe akademikëve të vetë më të shquar; familja Pogoni humbi njeriun e dashur e të pazëvendësueshëm, bashkëshortin dhe prindin shembullor; studentët humbën pedagogun e përkushtuar, ndërsa Partia Demokratike humbi një prej drejtuesve të saj më të përkushtuar, i cili dha një kontribut të veçantë në krijimin dhe drejtimin e Departamentit të Sporteve.

Pasioni i Artan Pogonit për sportin nisi që në rini, ku ai u afirmua si lojtar volejbolli dhe më pas vijoi karrierën si trajner. Përvoja e tij në parket dhe njohja e thellë e sportit e orientuan më vonë drejt edukimit të brezave të rinj dhe drejtimit profesional të ekipeve sportive. Në vitet e fundit, ai ishte i angazhuar edhe si trajner kryesor i Barleti Volley, duke kontribuar me përkushtim në zhvillimin e volejbollit universitar dhe elitar në Shqipëri.

Duke shprehur nderimin më të madh dhe mirënjohjen më të thellë për kontributin e tij tejet të çmuar si sportist i talentuar, trajner i apasionuar, studiues e profesor i perkushtuar në fushën e sportit, si dhe për bashkëpunimin e ngushtë që kemi patur, ndaj zinë dhe dhimbjen për këtë humbje të rëndë dhe të pakompensueshne me familjen e tij të nderuar, miqtë dhe të afërmit studentet. Lutem së bashku me ta që shpirti i mirë i prof. Artan Pogonit të gjejë paqen e merituar!

U prehsh në paqe, Artan Pogoni! Amin!/CNA





Lajmet e fundit nga