web counter
LEXO PA REKLAMA!

SHKARKO APP

App Store
Google Play

E fundit!

x

Reali “djeg” merkaton, i merr objektivin Barçës dhe Atletico-s

15 Qershor 2026, 14:04, Sport CNA

Reali “djeg” merkaton, i merr objektivin Barçës dhe


Real Madrid-i duket i pandalshëm në merkato. Spanjollët duket se kanë siguruar edhe mbrojtësin Marc Cucurella.

Sipas raportimeve të fundit, klubi madrilen ka arritur një marrëveshje verbale me mbrojtësin spanjoll dhe transferimi pritet të finalizohet pas përfundimit të Kupës së Botës.

Aktualisht, Cucurella është i angazhuar me kombëtaren e Spanjës në Botërorin që po zhvillohet në Shtetet e Bashkuara, Kanada dhe Meksikë. Megjithatë, bëhet e ditur se është arritur dakordësia mes lojtarit, Real Madrid-it dhe Chelsea-t për një transferim të përhershëm. Ende nuk janë zbuluar të gjitha detajet e kontratës dhe të shumës së transferimit, por vlera e operacionit thuhet se është rreth 50 milionë euro.

Mbrojtësi 27-vjeçar u transferua te Chelsea në verën e vitit 2022 nga Brajtoni për 63 milionë paund. Gjatë kësaj periudhe ai u kthye në një nga mbrojtësit e majtë më të mirë të futbollit anglez, ndërsa prej kohësh kishte shprehur dëshirën për t’u rikthyer në futbollin spanjoll. Përpara interesimit të Real Madrid-it, emri i tij ishte lidhur edhe me Atletico Madrid-in dhe Barcelona-n, klub ku kishte kaluar vitet e formimit në akademi.

Situata te Chelsea gjatë sezonit të fundit ka qenë e komplikuar. Cucurella ishte pjesë e grupit të futbollistëve që shprehën pakënaqësi për zhvillimet në klub pas largimit të Enzo Mareskës. Më pas, skuadra u drejtua nga Liam Rosenior, por rezultatet nuk arritën të përmbushnin pritshmëritë. Chelsea e mbylli sezonin në vendin e dhjetë dhe mbeti jashtë kupave europiane.

Pas përfundimit të sezonit, drejtuesit e klubit londinez vendosën t’ia besojnë drejtimin teknik Xabi Alonso-s, i cili do të nisë punën për sezonin 2026-2027.

Nga ana tjetër, Real Madrid-i po zhvillon një merkato shumë aktive pas rikthimit të Jose Mourinho-s në pankinë. Presidenti Florentino Perez dhe drejtuesit e klubit po punojnë për të përforcuar disa reparte të skuadrës. Përveç Cucurella-s, madrilenët kanë siguruar edhe tjerë të rëndësishëm si Bernardo Silva, Denzel Damfris dhe Ibrahima Konate.

Afrimi i Cucurella-s do t’i jepte Real Madrid-it një alternativë me përvojë në krahun e majtë të mbrojtjes. Lojtari ka eksperiencë në La Liga dhe Premier League, ndërsa karakteristikat e tij përshtaten me stilin e lojës që kërkohet në futbollin modern. Shpejtësia, mbështetja në fazën sulmuese dhe aftësia për të luajtur në disa role të ndryshme janë elemente që vlerësohen nga stafi teknik madrilen.

 





Lajmet e fundit nga