Gjermani-Kurasao, "panzerat" fitojnë me goleadë

14 Qershor 2026, 18:58, Sport CNA

Gjermania ka dhuruar një spektakël të vërtetë golash në ndeshjen e saj të parë në Kupën e Botës, duke mposhtur Kurasaon me rezultatin e thellë 7-1 në Grupin E.

Skuadra e Julian Nagelsmann e nisi takimin në sulm dhe gjeti golin e parë që në minutën e 6-të me anë të Felix Nmecha. Edhe pse Kurasao surprizoi përkohësisht duke barazuar shifrat në minutën e 21-të përmes Livano Comenencia-s, "Panzerat" reaguan menjëherë duke shënuar dy herë të tjera përpara fundit të pjesës së parë me Schlotterbeck dhe Havertz.

Në pjesën e dytë dominimi gjerman ishte absolut dhe pa histori, teksa rrjeta e debutuesve u tund edhe katër herë të tjera nga Musiala, Brown, Undav dhe sërish Havertz.

Pas këtij fillimi të shkëlqyer, Gjermania do të zbresë sërish në fushë më 20 qershor për t'u përballur me Bregun e Fildishtë.

GJERMANI-KURASAO 7-1

KOMENTI LIVE

88’- GOOOOOOL GJERMANIA 7-1! Kai Hvertz kompleton dopietën personale me golin e shtatë për Gjermaninë.

77’- GOOOOOL GJERMANIA 6-1! Spektakël golash në Houston, Undav shënon të gjashtin për gjermanët.

68’- GOOOOOL GJERMANIA 5-1! Vazhdon goleada e panzerave. Këtë herë rrugën e rrjetës e gjen mbrojtësi Brown.

63’- Te Gjermania nuk i besojnë syve. Sane i vetëm me portierin, gabon gjithçka dhe gjuan jashtë.

62’- Pranë golit Kurasao. Provon me kokë kapiteni Bacuna, por topi shkon mbi portë.

47’- GOOOOOOL GJERMANIA 4-1! Nuk ka fund goleada e panzerave. Musiala shfrytëzon një asist të Kimmich në zonë dhe me një kthesë të bukur, shënon të katërtin për ekipin e tij.

Mbyllet pjesa e parë.

45+4’- GOOOOOOL GJERMANIA 3-1! Kai Havertz nuk gabon nga pika e bardhë dhe shënon të tretin për gjermanët.

45+2’- Penallti për Gjermaninë! Ndërhyrje e gabuar ndaj Nmecha në zonë dhe gjyqtari akordon 11 metërsh.

38’- GOOOOOL GJERMANIA 2-1! Shpërblehet dominimi i panzerave. Schloterbeck shënon me kokë, pas një krosimi nga goditja e këndit.

32’- Mundësi e artë shënimi për Sane. Sulmuesi gabon i vetëm me portierin. Shpëton për mrekulli porta e Kurasaos.

30’- Gjermania kërkon me ngulm golin e avantazhit. Provon Pavlovic, por topi devijohet në goditje nga këndi.

21’- GOOOOOL KURASAO 1-1! Vendoset baraspesha. Debutuesit bëjnë surprizën e madhe, shënon Comenencia, pas një asisti perfekt të marrë në zonë.

13’- Sulme vrastare nga Gjermania. Wirtz provon me një gjuan nga jashtë zone, por topi shkon ngjitur me shtyllën.

12’- Gjermania duket e pandalshme. Nmecha i afrohet sërish golit, tentativa ndalet nga portieri.

8’- Nuk ndalen sulmet e gjermanëve. Nmecha flirton me golin e dytë, por topi shkon ngjitur me shtyllën.

5’- GOOOOOL GJERMANIA 1-0! Zhbllokohet menjëherë sfida. Nmecha i jep avantazhin Gjermanisë, me një supergol në hyrje të zonës.

2’- Menjëherë në sulm Gjermania. Musiala nuk shfrytëzon një top të marrë në zonë nga e majta. Kurasao tenton me kundërsulm, por Pavlovic shkakton faull.

Starton sfida.