web counter
LEXO PA REKLAMA!

SHKARKO APP

App Store
Google Play

Tjetër surprizë në Botëror, Australia mposht Turqinë

14 Qershor 2026, 11:25, Sport CNA

Tjetër surprizë në Botëror, Australia mposht Turqinë

Kombëtarja e Australisë ka nisur me një fitore 2-0 pjesëmarrjen e saj në Kampionatin Botëror, duke mposhtur Turqinë në ndeshjen e parë të fazës së grupeve, të zhvilluar në Vankuver.

Protagonisti kryesor i këtij takimi ishte portieri i Patrick Beach, i cili në debutimin e tij me ekipin kombëtar zhvilloi një paraqitje të nivelit të lartë, duke u shpallur edhe lojtari më i mirë i ndeshjes.

Pjesa e parë nisi me një volum më të madh loje për Turqinë, e cila rrezikoi përmes mesfushorit Arda Guler, goditjet e të cilit u ndalën nga portieri. Megjithatë, kundër rrjedhës së lojës, Australia arriti të zhbllokonte rezultatin përpara se të mbushej gjysmë ore lojë.

Pas një pasimi të gjatë të Paul Okon-Engstler, sulmuesi Irankunda, shmangu mbrojtjen turke dhe mposhti portierin Çakir me një goditje të ulët. Me këtë realizim, Irankunda u regjistrua si futbollisti më i ri në moshë që shënon për Australinë në historinë e Kupës së Botës.

Në fraksionin e dytë të lojës, trajneri i Turqisë, Vincenzo Montela, ndryshoi skemën taktike duke aktivizuar sulmuesin e Juventusit, Kenan Yildiz, i cili nuk ishte në gjendjen më të mirë fizike për ta nisur si titullar. Ky zëvendësim rriti presionin ofensiv të Turqisë, e cila iu afrua barazimit me një goditje të devijuar të Yuksek. Në krahun tjetër, skuadra e drejtuar nga Tony Popovic u mbrojt mirë dhe u kundërpërgjigj me anë të mbrojtësit Sutar, goditja me kokë e të cilit u prit nga Çakir.

 


Rezultati i takimit u vulos në minutën e 75-të përmes një goditjeje të fortë nga jashtë zone të Metcalfe, që përfundoi në këndin e poshtëm të portës turke.

Në minutat e mbetura, portieri australian kreu një tjetër pritje vendimtare ndaj Kerem Akturkoglu, duke e mbyllur ndeshjen me një bilanc prej tetë pritjesh totale. Pas këtij suksesi, Australia merr tre pikët e para përpara përballjes së të premtes ndaj SHBA-së, ndërsa Turqia do të kërkojë pikët e para po atë mbrëmje kundër Paraguait në Santa Clara.





Lajmet e fundit nga