LEXO PA REKLAMA!

SHKARKO APP

Operacioni “Plumbi i Artë”/ Apeli i GJKKO lë në burg 8 të arrestuarit

27 Qershor 2022, 16:22, Kronika CNA
Operacioni “Plumbi i Artë”/ Apeli i GJKKO lë në burg
Foto ilustruese

Apeli i GJKKO ka lënë fuqi masën e sigurisë arrest me burg për 8 arrestuarit e operacionit "Plumbi i Artë", të cilët përfunduan në pranga pas rrëfimeve të të penduarit të drejtësisë, Nuredin Dumani.

GJKKO ka lënë në burg shtetasit Ilirian Feçi, Fatos Gosa (Tos Gosa), Elvis Koçi (Çaushllari), Adrian Uzuni, Altin Ndoci, Petrit Qoli, Agron Qoli, Gentian Sharra.

"Komunikohet në mënyrë të përmbledhur se, sot më datë 27.06.2022, në Gjykatën e Posaçme të Apelit për Korrupsionin dhe Krimin e Organizuar, u shpall vendimi lidhur me çështjen nr. 24, datë 20.06.2022 regjistrimi, me objekt “ankim ndaj vendimit të caktimit të masës së sigurimit personal”, në ngarkim të personave nën hetim I.F., F.G. (T.G.), E.K. (Ç.), A.U., A.N., P.Q., A.Q., G.Sh., ku trupi gjykues monokratik i përbërë nga gjyqtarja Daniela Shirka, vendosi:
1. Miratimin e vendimit nr. 42, datë 17.05.2022 dhe vendimit nr. 48, datë 21.05.2022 të Gjykatës së Posaçme të Shkallës së Parë për Korrupsionin dhe Krimin e Organizuar për personat nën hetim F.G. (T.G.), E.K. (Ç.), A.U., A.N., P.Q., A.Q., G.Sh.
2. Miratimin e vendimit nr. 48, datë 21.05.2022 të Gjykatës së Posaçme të Shkallës së Parë për Korrupsionin dhe Krimin e Organizuar për personin nën hetim I.F.
3. Ndalimin e publikimit të vendimit në referim të nenit 103 të K.Pr.Penale", thuhet në njoftim/ CNA.al

Lajmet e fundit nga