LEXO PA REKLAMA!

SHKARKO APP

I shpëtoi atentatit/ Lala: Anëtari i bandës së Niklës ka refuzuar statusin e bashkëpunëtorit të drejtësisë

27 Qershor 2022, 15:07, Kronika CNA
I shpëtoi atentatit/ Lala: Anëtari i bandës së Niklës
Klodiana Lala

Gazetarja Klodiana Lala u shpreh se Marklen Haka, ish anëtar i bandës së Niklës, ka refuzuar statusin e bashkëpunëtorit të drejtësisë.

Ajo tha në emisionin “Pikat mbi I” se Haka mendon se ka ende mundësi rrugëdalje, prandaj dhe nuk ka pranuar që tregojë emrat se kush e ka qëlluar në dy atentatet që i janë bërë.

“Marklen Haka i mbijetoi një atentati të dytë të mirëorganizuar në Nikël. Ai thotë shumë për botën e krimit, sidomos në një vend si Nikla ku edhe policia e ka të vështirë të hyjë. Haka nuk e pranoi statusin e bashkëpunëtorit të drejtësisë. Mendon Akoma se ka një rrugëdalje. Zheji tha që kriminelët që vendosin të pendohen e bëjnë për dy arsye: e para se duan të shmangin një dënim maksimal dhe së dyti duan të shpëtojnë familjen. Kur Hakës iu ofrua statusi, njeriu që ia ofroi i tha: keni një vëlla të vrarë dhe një baba të moshuar, nuk keni asnjë gjë për të humbur. Ai nuk pranoi të nxirrte emrat. Nuk e bëri këtë gjë se realisht mendon se ka një rrugëdalje. Mendoj se do të jetë sërish në shënjestër”, tha Lala./CNA.al

Lajmet e fundit nga