E fundit!

x

Vrasja e Aleksandër Sadikajt/ Detajet nga sherri për shitjen e 100 kg kanabis, pronari nuk mori 25 mijë eurot

26 Qershor 2022, 17:18, Kronika CNA
Vrasja e Aleksandër Sadikajt/ Detajet nga sherri për shitjen e 100 kg
Aleksandër Sadikaj

Tri javë nga atentati i tmerrshëm që i mori jetën 27-vjeçarit Aleksandër Sadikaj, hetuesit janë duke verifikuar rreth konflikteve që viktima mund të ketë pasur në vendin tonë për shkak të trafikut të drogës.

Sipas dosjes hetimore, nga të dhënat e mbledhura rezulton se Sadikaj është i përfshirë dhe në kultivimin dhe trafikimin e kanabisit.

Gjithashtu theksohet se shtetasi me inicialet D. H., në bashkëpunim me D. M., kundrejt shumës 25 mijë euro kanë negociuar për të blerë 100 kg kanabis në fshatin Buz në Memaliaj.

Këtë informacion blutë e kanë siguruar në tetor të 2017-ës, ndërsa kanabisi është marrë në nëntor të vitit 2016, por shuma e parave nuk iu dha pronarit të lëndës narkotike. Sipas informacioneve të siguruara në rrugë operative, porositës ishte Aleksandër Sadikaj.

Përveç hetimeve për të zbuluar momentin e vendosjes së lëndës plasëse si dhe identifikimin e autorëve, hetuesit kanë dyshime se pista kryesore e vrasjes së Sadikajt është prishja e pazareve të drogës.

Nga verifikimet ka rezultuar se 27-vjeçari ka udhëtuar shpesh drejt Greqisë me persona me precedent kriminal në fushën e narkotikëve.

Disa prej udhëtimeve të Sadikajt tregojnë lidhjen me një person nga Kuçova, i cili sipas të dhënave është i përfshirë në vitin 2013 në aktivitetin e lëndëve narkotike të kokainës dhe heroinës nga Shqipëria në Greqi./E.T.CNA.al

 

Lajmet e fundit nga