LEXO PA REKLAMA!

SHKARKO APP

E fundit!

x

U raportua për grabitjen e farmacisë në Tiranë/  Reagon policia, si qëndron e vërteta

25 Qershor 2022, 11:45, Kronika CNA
U raportua për grabitjen e farmacisë në Tiranë/  Reagon
Policia e Shtetit

Në media u raportua se një farmaci në zonën e Xhamllikut në Tiranë ka rënë pre e një grabitje me armë lodër, ku autorët kishin qëlluar xhamin e biznesit dhe kishin arritur të merrnin një shumë të konsiderueshme parash.

 Por policia ka reaguar lidhur me këtë lajm, duke thënë se është i pavërtetë, duke dhënë edhe versionin si qëndron e vërteta.

Në lidhje me një lajm të publikuar në portale për grabitje të një farmacie nën kërcënimin e armës, ju sqarojmë se lajmi është i pavërtetë.

Më datë 25.06.2022, është marrë njoftim se në një farmaci, në xhamin e jashtëm të farmacisë ka një shenjë (ciflosje).

Shërbimet e Policisë kanë shkuar menjëherë në adresën e dhënë dhe nga verifikimet e kryera, ka rezultuar se është konstatuar një sferë e armëve me ajër e cila nuk ka tejshpuar xhamin.

Nga këqyrja e kamerave të sigurisë nuk është konstatuar asnjë person apo mjet që është afruar në drejtim të farmacisë.

Drejtoria Vendore e Policisë Tiranë kërkon mirëkuptimin e mediave dhe para se të publikojnë lajme të kërkojnë informacion pranë DVP Tiranë”, njofton policia./CNA.al

 

Lajmet e fundit nga