Zbulohen “fole” prostitucioni në Tiranë/ Arrestohen dy shtetase

24 Qershor 2022, 15:21, Kronika CNA
Zbulohen “fole” prostitucioni në Tiranë/ Arrestohen dy
Foto ilustruese

Policia ka finalizuar operacionin e koduar “SPA”, dhe ka vënë në pranga dy shtetaset, J.D 30 vjeçe dhe R.L, 20 vjeçe, si dhe janë proceduar penalisht 3 persona të tjerë, ndërsa ka shpallur në kërkim dy persona, shtetasit, P.N dhe E.D.

Përveç aktivitetit të regjistruar si qendër masazhesh, në këto ambiente ushtrohej edhe aktiviteti i kundërligjshëm i prostitucionit. 

"Specialistët e Seksionit për Hetimin e Krimeve në Komisariatin e Policisë Nr. 2, në vijim të punës për goditjen e paligjshmërisë, pas një pune të mirëfilltë hetimore disamujore, bazuar dhe në informacionet e marra në rrugë operative për veprimtarinë e kundërligjshme të prostitucionit në 2 qendra masazhesh, organizuan dhe finalizuan me sukses operacionin policor të koduar "SPA".

Si rezultat i këtij operacioni u bë ndalimi i shtetaseve:

- J. D., 30 vjeçe dhe R. L., 20 vjeçe, të dyja banuese në Tiranë, për veprën penale "Mbajtja e lokaleve për prostitucion".

Shtetaset J. D. dhe R. L. administronin dy qendra masazhesh, në zonën e quajtur "Ish-Blloku" dhe në zonën e quajtur "21 Dhjetori".

Përveç aktivitetit të regjistruar si qendër masazhesh, në këto ambiente ushtrohej edhe aktiviteti i kundërligjshëm i prostitucionit. 

Në vijim të veprimeve u proceduan penalisht në gjendje të lirë shtetasit A. Ll., Xh. T., për veprën penale "Prostitucioni" dhe A. L., për veprën penale "Moskallëzimi i krimit".

Gjithashtu, në kuadër të këtij operacioni u shpallën në kërkim shtetasit P. N. dhe E. D. Vijon puna për kapjen e tyre", njofton policia./ CNA.al

Lajmet e fundit nga