Bënte kërdinë me vjedhje në Durrës/ Policia arreston në flagrancë 18-vjeçarin

23 Qershor 2022, 13:19, Kronika CNA
Bënte kërdinë me vjedhje në Durrës/ Policia arreston
Foto ilustruese

Finalizohet operacioni policor i koduar “Seriali 2”, në sajë të të cilit u zbardhën disa vjedhje të ndodhura ditët e fundit, në qytetin e Durrësit.

Bazuar në informacionet e grumbulluara nga denoncimet e adresuara ditët e fundit, për një shtetas që vidhte pajisje, në zona të ndryshme të qytetit të Durrësit, blutë kanë bërë vënien në pranga të shtetasit me iniciale O.H., 18 vjeç, banues në lagjen nr. 16, Durrës.

Ai akuzohet për veprën penale “Vjedhja”, kryer më shumë se një herë. I riu u arrestua në flagrancë, duke vjedhur biçikletën e shtetasit M. K.

Nga veprimet e para hetimore, sendet e sekuestruara (veshje që ky shtetas i përdorte gjatë vjedhjeve), si dhe bazuar në pamjet filmike të siguruara, u bë e mundur zbardhja e një sërë vjedhjesh, autor i të cilave dyshohet të jetë 18-vjeçari i arrestuar në flagrancë në kuadër të operacionit policor të koduar “Seriali 2”, konkretisht:

?Më datë 18.06.2022, ka vjedhur një bateri kamioni në ambientet e një subjekti privat;

?Më datë 14.06.2022, ka vjedhur instalimet elektrike të godinës së një shkolle jopublike;

?Më datë 13.06.2022, ka vjedhur veglat e punës, në një pallat në rikonstruksion, në lagjen nr. 11, Durrës;

?Më datë 13.06.2022, ka vjedhur instalimet hidraulike të godinës së një shkolle publike;

?Më datë 13.06.2022, ka vjedhur instalimet elektrike të godinës së një institucioni në rikonstruksion.

Vijon puna, nën drejtimin e Prokurorisë pranë Gjykatës së Rrethit Gjyqësor Durrës, për zbardhjen dhe dokumentimin e rasteve të tjera të vjedhjeve të ndodhura më parë, që dyshohet se janë kryer nga ky shtetas.

Ndërkaq, materialet i kaluan Prokurorisë së Rrethit Gjyqësor Durrës, për veprime të mëtejshme./ B.A.- CNA.al

Lajmet e fundit nga