FAKTET/ Vjollca Hoxha si Erion Veliaj

2024-07-16 15:49:00, Opinione CNA

Fotomontazh/ Erion Veliaj dhe Vjollca Hoxha

"Top Channel" i drejtuar nga Vjollca Hoxha ishte media kryesore në ortakëri me aferën e inceneratorëve.(lexo këtu)

Nga SPAK sot mësuam me grupin e strukturuar kriminal të inceneratorëve, ku përveç Mirel Mërtirit që donte të fshihej dhe Klodian Zotos që ishtë kamarieri i tij, janë përfshirë në aferë, politikanë, zyrtarë të lartë e deri tek mediat. (lexo këtu)

Afera e inceneratorëve me akuza apo jo politike ka një kokë, një kokë që e ka filluar historinë, emrin e ka Erion Veliaj, i cili aktivizoi një projekt të IFC-së sipas tij, apo në një mbledhje të Këshillit Bashkiak, na thotë qartazi se ishte ai që kishte kërkuar që të trajtoheshin mbetjet e Tiranës sepse ne jemi taksapagues duhet të kishim edhe ne inceneratorin të zgjidhnim çështjen e landfillit.(lexo këtu)

Inceneratori i Tiranës

Por Erion Veliaj është një mashtrues klasik, është njeriu që për 24 orë hedh 40 mijë firma, që do të duheshin ndoshta ditë të tëra. Është njeriu që thotë se ka mbjellë 1 milionë pemë, ndërkohë që duhet të kishte sa njerëz dhe pemë në Tiranë, apo ndoshta më shumë, por Banka Botërore dhe shkrimet investigative e rrëzuan këtë tezë. (lexo këtë)

Njeriu që nuk di gjë se çfarë ndodh, nuk e dinte as kur edhe drejtorët e tij ishin hajdutë thjesht dhe vetëm doli dhe i mori në mbrojtje, në fillim tha se nuk e dija se disa zyrtarë kishin bërë këto veprimet. (lexo këtu)

Nuk i njihte hajdutët e tij megjithëse i kishte qarkulluar sa në një zyrë në një zyrë, i kishte bërë drejtorë në një institucion tjetër, qenë bashkëpunëtorët kryesorë të njerëzve të inceneratorëve, ishin hajdutët e 5D e kështu me radhë. Tentoi t'i mbronte, tha ish-zyrtarë, më pas tha janë drejtorët, organizata jonë, përpëlitje, strese, beteja dhe tani në fund që thotë se sërish ai s'ka asnjë përgjegjësi për inceneratorët, se fajin e ka qeveria, ashtu si kundër ka thënë për dosjen "5D". (lexo këtu)

Erion Veliaj dhe drejtorët në Bashkinë e Tiranës

Të njëjtën gjë mund të analizojmë edhe për Vjollca Hoxhën pas njoftimit të SPAK, ku është marrë si i pandehur Endrit Habilaj, drejtori i Top News. (lexo këtu)

Sipas kësaj llogjike i bie që drejtori i Vjollca Hoxhës i ka bërë të gjitha kurse Vjollca nuk dinte gjë, megjithëse në ortakëri, Endrit Habilaj në kompanitë që merrte paratë e inceneratorëve ka qenë me Shefen e Marketingut të Top Channel. Ndërkohë të pestat kompanitë ishin të hapur me NIPT-e në godinën e Top Channel, megjithëse me emrat e kompanive ishin të lidhur me subjektet e Top Channel si "Top News" apo "Gazeta Shqip" dhe me paratë e inceneratorëve, paguhej kanali i "Top News" dhe "Gazeta Shqip". (lexo këtu)

Fotomontazh/ Erion Veliaj dhe Vjolla Hoxha

Vjollca Hoxha nuk dinte asgjë. Në fakt SPAK ka një dokument nga Bullgaria që është publikuar nga CNA, i cili tregon mjaft mirë pagesat që janë bërë për Vjollca Hoxhën, blerjen e Lori Caffe, hapjen e ortakërive të Vjollca Hoxhës me Stela Gugallen e kështu me radhë. (lexo këtu)

Kontrata e shitjes së "Lori Caffe"

Ndaj dhe jemi përballë të njëjtit rast. Erion Veliaj nuk dinte asgjë për drejtorët e tij hajdutë të 5D dhe për inceneratorët, ashtu si kundër Vjollca Hoxha nuk dinte asgjë për këto çështje, por fajin e ka Endrit Habilaj. (lexo këtu)

Ekskluzive-SPAK-u thellon hetimin pasuror për drejtorët hajdutë të Erion Veliajt
10 Maj, 12:53
Skemat/ Si vidhnin drejtorët hajdutë të organizatës së Erion Veliajt
29 Prill, 17:08
Drejtorët hajdutë të Veliajt gllabëruan 30 milionë euro/ Kërkohet dorëheqja e kryebashkiakut
18 Prill, 16:12

Habilaj mund te ketë qenë një mekanizëm i vogël, por nuk i thotë askujt asgjë. Përgjëgjësinë e tij penale SPAK e ka çuar në gjykatë, do zbardhet vendimi dhe të gjithë do ta mësojnë, por ai është mekanizimi më i vogël i një strukture te madhe korruspioni dhe krimi që median kryesore të financuar kishte "Top Channel". (lexo këtu)

Për çfarë duhet ta financonte një kompani monopol Vjolla Hoxhën? Për çfarë duhet të bënin marrëveshje me Bashkinë e Tiranës me drejtorët e Erion Veliajt, pa dijeninë e këtij të fundit, si është çështja e dherave, apo si rasti ku inagurohej një kopësht, pronarët e inceneratorëve, Mirel Mërtiri dhe Klodian Zoto nuk dinin asgjë dhe Erion Veliaj e reklamonte. (lexo këtu)

Ka edhe shumë fakte të tjera që tregojnë se Erion Veliaj nuk dinte asgjë se çfarë po ndodhte në Tiranë ishte kot, ashtu si Vjollca Hoxha nuk na paska asnjë përgjegjësi për atë që ka ndodhur në Top Channel.(lexo këtu)

Sa milionë euro mori Vjollca dhe Lori Hoxha nga inceneratorët?!
18 Maj, 21:21
Lekët e inceneratorëve që shkuan te Vjollca Hoxha
26 Dhjetor, 16:52
Faktet/ Vjollca Hoxha, si ortake e pronarëve të inceneratorëve
25 Tetor, 10:52

Por faji qënka i një drejtori që në fakt ka qenë mentori, truri mediatik i inceneratorëve, të cilin Mirel Mëritiri nuk e shpiku nuk e krijoji vetë, e gjeti në "Top Channel" dhe e shfrytëzoi në "Top Channel" për interesa të aferave të tij në ortakëri me Vjollca Hoxhën. (lexo këtu)

"Top Channel" është i Vjollca Hoxhës, i Lori Hoxhës nuk është i Endrit Habilajt edhe pse dikush mund të na thotë se ato nuk dinin asgjë, ashtu siç na thotë Erion Veliaj se nuk e dinte se çfarë bënin drejtorët e tij hajdutë, por faktet dhe dokumentet flasin të kundërtën dhe hetimet vazhdojnë./CNA