E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Erion Veliaj, si doktorët e Onkologjikut

27 Qershor 2024, 15:18, Editorial CNA

Erion Veliaj, si doktorët e Onkologjikut

Erion Veliaj, foto e marrë nga rrjetet e tij sociale

Një krahasim i natyrshëm, dikush në opinioin e tij politik mund ta quajë ndryshe, por ka dhe nga ata që mendojnë se Erion Veliaj nuk ka ndonjë ndryshim të madh nga ata doktorët e Onkologjikut.

Doktorët e Onkologjikut, të cilët hiqnin sasinë e ilaçeve që duhet t’ua jepnin për kurë pacientëve me kancer, atyre që u lëngonin shpirtrat e tyre dhe shkonin drejt vdekjes.(LEXO KETU)

Cili është ndryshimi me Erion Veliajn?

A nuk u vra Ardit Gjoklaj në landfillin e Tiranës? A nuk ishte në administrim ky territor nga Bashkia e Tiranës ku kryebashkiak ishte Erion Veliaj? A nuk u vra një 17-vjeçar? A nuk u mohua ai se u gjend i vrarë atje brenda në landfill? Por u tha se ishte gjetur diku jashtë, ishte hedhur brenda e kështu me radhë, duke e vrarë për së dyti Ardit Gjoklajn.

Pse tmerrohet Erion Veliaj nga vrasja e Ardit Gjoklajt
2 Korrik, 20:40

Vrasje bëjnë ata doktorët duke rrëmbyer paratë e qytetarëve nga xhepat e atyre të sëmurëve që po japin shpirt apo që kanë një fije shpresë për jetën. Ndërkohë Ardit Gjoklajt nuk i lanë më jetë fare.

Drejtorët hajdutë, doktorët hajdutë

Ata doktorët vjedhin qytetarët e sëmurë, kurse drejtorët hajdutë të Erion Veliajt vjedhin qytetarët e varfër. Janë në burgje, Mariglen Qato, Redi Molla, Taulant Tusha, ata të cilët i quan burra të mirë Erion Veliaj me të cilët ka bërë shumë punë, të cilët u kapën duke vjedhur gati 30 milionë euro nga xhepat e qytetarëve të Tiranës.(LEXO KETU)

A nuk janë vjedhje?

Vrasin ata doktorët, vjedhin ata doktorët, por a nuk është vrasje dhe vjedhje inceneratori i Tiranës që nuk ekziston për të cilin Bashkia e Tiranës vetëm nga transferta e pakushtëzuar ka paguar rreth 60 milionë dollarë dhe 60 milionë dollarë të tjerë Erion Veliaj ia dha si mundësi kompanisë së inceneratorit të Tiranës, ia dha Mirel Mërtirit, Klodian Zotos dhe njerëzve të tyre me një kontratë të drejtorëve të tij.

Zyrtarëve të tij që përdorin vulën e Bashkisë së Tiranës, nuk është vrasja njësoj, nuk është vjedhja njësoj?

Një aferë e Veliajt, sa inceneratorët dhe më e madhe se “5D”-ja
20 Prill, 17:46

A nuk ndërtohen kulla në Tiranë që i marrin frymën kryeqytetit? Por në bazë të betonit që hedh duhet të mbjellësh dhe pemë t’i japësh oksigjen qytetit.

Flitet për 1 milion pemë, për pyll orbital, por në fakt e nxori Banka Botërore zbuluar, e nxorën mediat zbuluar se sa kohë duan të mbillen një milion pemë.

Ku janë pemët?

A nuk vritet përditë çdo qytetar duke mos pasur ato miliona e miliona pemë?

A nuk vidhet, a nuk vritet çdo qytetar kur familjarët dhe të afërmit e Erion Veliajt bëhen kuratorë arti, hapin shoqata dhe paguhen nga Bashkia e Tiranës?

A nuk paguhen nga taksat e qytetarëve të varfër?

Veliaj mashtroi për pyllin orbital
11 Prill, 20:26

Edhe pikërisht nga taksat e atyre të shkretëve që vuajnë me kancer që duhet të paguajnë dy herë, edhe vjedhjen nga doktori edhe vjedhjen që u bën çdo ditë të frymës së tyre Erion Veliaj me taksat që u ka vënë, me jetën që u ka shtrenjtuar.

Erion Veliaj nuk ndryshon shumë nga doktorët e Onkologjikut.

Të paktën ata janë doktorë, ndoshta kanë bërë dhe ndonjë të mirë, kanë shpëtuar dhe ndonjë jetë, kurse Erion Veliaj është kryetar i organizatës së hajdutëve, pasi këtë e ka deklaruar vetë, minimalisht një zdroms, siç e quan veten.

Ndoshta i ofendojmë doktorët e Onkologjikut, të cilët janë kapur duke vjedhur të sëmurët me kancer, duke i krahasuar me kryebashkiakun e Tiranës. Ndoshta i fyejmë pasi ka dhe më keq se ata./ CNA