web counter
LEXO PA REKLAMA!

SHKARKO APP

App Store
Google Play

E fundit!

x

Hajduti i socialistëve përballë “kolegëve”

11 Qershor 2024, 15:41, Editorial CNA

Veten e quan zdroms, e quan Lali, por në fakt në një term politik mund të quhet hajduti i socialistëve. Hajduti i socialistëve, i cili është vënë përballë “kolegëve”, ashtu siç i ka quajtur ai prokurorët e SPAKU-t.

Ka filluar prej ditësh të dalë në fushatë në kryeqytet pasi ndoshta e ka mësuar se shumë shpejt nuk do të jetë më kryetari i PS së Tiranës. (LEXO KETU)

Erion Veliaj, i vetëquajturi zdromsi apo hajduti i socialistëve, ka rrëmbyer logon e partisë, vendos foltoren dhe del nëpër sheshe me 20 veta, me 30 veta për të treguar se ka mbështetje politike dhe partia është me të, kur në fakt ai është i vetmi që nuk është socialist në atë parti. (LEXO KETU)

Ai është një ish-Mjaftist që rrëzoi socialistët nga pushteti në vitin 2005, fotot, faktet dhe ngjarjet e tregojnë këtë.

Hajduti i socialistëve përballë “kolegëve”
Veliaj në protestë kundër socialistëve, burimi i fotos:LSA
Hajduti i socialistëve përballë “kolegëve”
Veliaj në protestë kundër socialistëve, foto e marrë nga Google

Më pas është një 99-ç, që kandidoi në vitin 2009 dhe mori vetëm një dorë vota. As familja e tij nuk e ka votuar me aq pak vota sa ka marrë.

Më tej, bashkohet me socialistët duke marrë bashkinë dhe duke krijuar organizatën më të madhe të hajdutëve që ka ekzistuar ndonjëherë në Shqipëri, një bandë kriminale në Bashkinë e Tiranës, që vidhte tenderë me inceneratorët, me prokurime, me kompani deri te skema më kriminale. (LEXO KETU)

Nuk ka pse bëjmë tenderë dhe marrim përqindje, tenderët i bëjmë për vete, ia japim vetes sonë, punët i bëjmë me punonjësit e bashkisë.

Dhe për të gjitha këto, Erion Veliaj, hajduti i socialistëve, nuk dinte asgjë. Po pikërisht hajduti i socialistëve sepse si një Mjaftist, si një 99-ç, hyri në PS për t’u bërë ministër dhe kryetar bashkie dhe më pas i vodhi socialistët.

Hajduti i socialistëve përballë “kolegëve”
Fotomontazh, grupi i 99-çave

U la damkën e hajdutëve socialistëve me çetën e tij të drejtorëve nga rruga dhe i mbajti në karrige, edhe pse e dinte mjaft mirë se kush ishin.

U doli në mbrojtje hajdutëve duke na treguar se ishte kreu i tyre, u doli publikisht në mbrojtje duke thënë se ishin shpifje të vërtetat mbi dosjen “5D”, faktet në rrugën “Xhon Belushi” dhe të shumë të tjera si ato. (LEXO KETU)

Hajduti i socialistëve përballë “kolegëve”
Punimet në rrugën "Xhon Belushi"

Milionat e eurove që u jepen administratorëve të Bashkisë së Tiranës, drejtorëve, njerëzve të lidhur me to deri te paratë që shpërndahen nga vëllai i tij Arbër Veliaj, deri tek ekspertja e artit si kuratore Ajola Xoxa, deri te tri katet te Kodra e Diellit, dasma me fiq në kala.

Të gjitha këto skandale të njëpasnjëshme, gënjeshtra, tallje publike i vunë Veliajt damkën e hajdutit, por jo vetëm të xhepave të shqiptarëve, por në veçanti hajduti i socialistëve.

A mund të quhet një 99-ç, hajduti i socialistëve, i cili i vodhi logon tani për të shpëtuar nga kolegët e SPAK-ut, kolegëve që po u bën karshillëk, po u rri përballë për t’u treguar që nuk e “rruan” për ta se ky është “b*lehekur”, se ky e ka SPAK-un nën kontroll kur në fakt thjesht dhe vetëm Erion Veliaj ka vjedhur logon e socialistëve, ka vjedhur simbolet e kësaj partie dhe ka dalë në terren për ta përdorur si mburojë ndaj aferave, skandaleve dhe hetimeve që kanë plasur, jo vetëm “5D”-ja jo vetëm inceneratorët, jo vetëm shembja e teatrit, jo vetëm ndërtimet e kullave, por politikisht vjedhja e socilalistëve.

Erion Veliaj politikisht mund të jetë i vdekur shumë shpejt, mund të jetë në bankën e të akuzuarve, por Erion Veliaj do të mbahet mend si hajduti i socialistëve dhe si të tillë socialistët e vërtetë duhet ta heqin këtë 99-ç, këtë zdroms që iu ka vjedhur logon dhe kërkon t’ju vjedh partinë për të mbajtur pushtetin e tij të organizatës së hajdutëve të cilëve shumicën e ka në burg dhe të tjerët presin orën e arrestimit./ CNA

 





12:05 Editorial

Thjesht Erioni!

Nuk duhet të lodhesh shumë nga ana gazetareske për të bërë...

Lajmet e fundit nga