web counter
LEXO PA REKLAMA!

SHKARKO APP

App Store
Google Play

E fundit!

x

SPAK-u godet krimin/ Fatmir Xhafaj vazhdon t'i bjerë gajdes

17 Maj 2024, 14:10, Editorial CNA
SPAK-u godet krimin/ Fatmir Xhafaj vazhdon t'i bjerë gajdes
Fatmir Xhafaj

Jo vetëm luftë kundër korrupsionit, jo vetëm dosje ministrash, zyrtarësh, sekuestrim pasurish të të korruptuarve, por edhe luftë frontale me krimin.

Ky është mesazhi që ka dhënë sot SPAK-u pas një operacioni të gjerë të filluar mbrëmë në disa qytete të Shqipërisë, ku janë prerë rreth 50 urdhër-arreste për “kokat” e krimit në vend, që nga Shijaku, Shkozeti, Nikla, Lezha, Tirana, Vlora e të tjera. 

Emra të njohur të botës së krimit, të cilët janë dyshuar, raportuar në media shpesh si pjesë të grupeve kriminale të përfshirë në vrasje, në trafik droge, e të tjera.(lexo këtu)

Ky operacion ka një rëndësi të veçantë. Vjen pikërisht në momentin kur ndaj SPAK-ut po bëhet një gjueti “shtrigash” e udhëhequr nga Erion Veliaj, kryebashkiaku i Tiranës, i cili në bashkëpunim me enveristin e fundit në PS dhe 99-çin më të ri, Fatmir Xhafaj, kanë filluar një proces politik duke tentuar komisione për të thirrur SPAK-un në apel, apo duke u ushtruar presion, po u vjen afati i mbarimit të mandateve, se nuk dihet se ku do të shkojnë pasi të ikin nga SPAK-u e kështu me radhë. 

Lojëra të pista, të neveritshme, në momentet më të rëndësishme të SPAK-ut, në momentet më kryesore të këtij institucioni, ku Altin Dumani dhe prokurorët e kolegët e tij të vërtetë po godasin sa korrupsionin, aq edhe krimin.(lexo këtu)

SPAK-u godet krimin/ Fatmir Xhafaj vazhdon t'i bjerë gajdes
Altin Dumani

Askush nuk vë dorën në zjarr, përkundrazi dhe vetë Dumani e ka deklaruar se ka edhe prokurorë që “flirtojnë” me pushteti. Por ajo që është e vërtetë është fakti se po bëhet një punë e madhe dhe pikërisht kur po luftohet krimi dhe korrupsioni në mënyrë frontale, ku ministrat një nga një shkojnë në rresht në SPAK, kur drejtorë, ministra, zyrtarë të korruptuar ndodhen pas prangave, kriminelë tashmë, kanë marrë shumica arratinë duke u larguar nga Shqipëria. 

Po arrestohen nga SPAK-u, krimi po luftohet, korrupsioni gjithashtu. 

Gajdja e Fatmir Xhafajt

Problemi është se përballë del dikush që i bie gajdes dhe emri i tij është Fatmir Xhafaj, i cili ka marrë përsipër të bëjë luftën e Erion Veliajt kundër SPAK-ut, të bëjë luftën kundër prokurorëve të këtij institucioni dhe herë tërheq dhe herë lëshon edhe kryeministri Rama. (lexo këtu)

SPAK-u godet krimin/ Fatmir Xhafaj vazhdon t'i bjerë gajdes
Fatmir Xhafaj dhe Erion Veliaj

Më në fund përtej opozitës, është dikush tjetër që di t’ia tregojë vendin kujtdo që ka probleme me ligjin. Ndaj dhe Rama është i shqetësuar, por më shumë sesa të gjykojë SPAK-un e mira e kryeministrit do të ishte të ndalte "gajdexhinjtë" e tij si Fatmir Xhafaj, të lëshonte hajdutët që drejtojnë organizatat si Erion Veliaj e kështu me radhë. 

Kjo do të mjaftonte që vërtet kryeministri të luftonte krimin dhe të kishte vullnetin e duhur për të ecur përpara Shqipëria. Mjafton të lidhë zagarët në oborrin e “Rilindjes”, që duan të kafshojnë SPAK-un dhe menjëherë, kuptohet, se cili është pozicioni i tij.

SPAK-u godet krimin/ Fatmir Xhafaj vazhdon t'i bjerë gajdes
Edi Rama dhe Erion Veliaj

Duke luajtur “tërhiq e mos e këput” e duke lënë "gajdexhinjtë" të vijnë vërdallë, as më shumë e as më pak, thjesht dhe vetëm, kuptohet se lojërat politike, po na tregojnë se vërtet ka një lloj paniku te “Rilindja”. Ka një lloj frike, për shkak se ligji po fillon të sundojë vërtet dhe kanë zgjedhur që ligjit ti vendosin përballë një “gajdexhi” si Fatmir Xhafaj./CNA 





Lajmet e fundit nga