E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Pse “Non-paper” vlen më pak se një letër higjienike

10 Maj 2024, 13:27, Editorial Elvi FUNDO

“Non-paper” i shpërndarë është një mbledhje në mënyrë mekanike i disa frazave që gjenden në raportet ndërkombëtare dhe të kujton ‘strategjitë e luftës kundër korrupsionit’ të kohës së Fatmir Xhafajt (enveristi i fundit i 99-çave) ministër i Fatos Nanos.

Frazat boshe që nuk të thonë asgjë të kujtojnë kohën e Ardian Dvoranit kur punonte si drejtor i Fatmir Xhafajt. Njeriu që kërkonte të ishte mbi presidentin dhe t'u jepte Gykatën Kushtetuese, mbetjeve të komunizmit.

Pse “Non-paper” vlen më pak se një letër higjienike

Ardian Dvorani

“Non-paper” nuk ka asnjë referencë të “Screening Report” dhe Planit të Veprimit (këto që dikush i lexon si çudira janë dokumentet që na duhen për në rrugën drejt BE-së) që është përgatitur nga qeveria shqiptare për të nisur bisedimet me BE-në për grup-kapitujt e parë që kanë lidhje me shtetin e së drejtës.

Nëse realisht do të kishte nevojë për të “reformuar nga e para drejtësinë e reformuar” siç paraqitet në “Non-paper”, një gjë e tillë duhet të ishte evidentuar nga rruga drejt BE-së që janë “Screening Report” dhe Plani i Veprimit të qeverise shqiptare që ka miratuar vitin që shkoi.

Por tani del enveristi i fundit i 99-çave të Veliajt dhe hedh në kosh gjithë strategjinë proevropiane për të sulmuar SPAK-un dhe marrë në mbrojtje organizatën e hajdutëve që drejton Erion Veliaj në Bashkinë e Tiranës.

Si draft-rezoluta e Fatmir Xhafajt po i cakton detyra Kuvendit
10 Maj, 09:24

“Non-paper” parashtron të njëjtën qasje si para 2016, por pa asnjë analizë paraprake se cilat janë pikat e forta e të suksesshme të Reformës në Drejtësi 8 vjet nga miratimi i saj dhe cilat janë pikat e dobëta që synohen të adresohen. Njësoj si ditën kur filloi Reforma në Drejtësi dhe ky dokument të çon sërish në pikën 0, vetëm se fsheh një shkatërrim të asaj që është kryer këto 8 vite, qoftë dhe pak.

Përkundrazi, “Non-paper” parasheh me fraza të përgjithshme edhe njëherë rishikimin nga e para. 8 vjet nga monitorimi i zbatimit të Reformës në Drejtësi hartuesit e “Non-paper” duhet të ishin në gjendje të përcaktonin nevojat me të cilat përballet reformimi i shtetit të së drejtës në Shqipëri. Jo të përgatisnin një sulm ndaj rezultateve të reformës.

“Non-paper” nuk paraqet asnjë koncept/element të luftës së ekzekutivit ndaj korrupsionit dhe krimit të organizuar në të gjitha hallkat e qeverisjes qendrore dhe vendore.

“Non-paper” nuk e identifikon fare ekzekutivin si shkaktarin kryesor të korrupsionit dhe as nevojën dramatike për reformë të thellë brenda ekzekutivit në nivel qendror dhe vendor për të luftuar shkallën dhe format e ndryshme të korrupsionit, nevojën për përgjegjshmëri politike dhe institucionale.

“Non-paper” nuk identifikon asnjë ide/nevojë për të ndarë shtetin nga partia, klientelizmin politik, lidhjet e pandashme mes politikës/krimit/oligarkisë/medias.

“Non-paper” nuk parashtron asnjë analizë kritike apo masa parandaluese të ekzekutivit në luftën kundër korrupsionit, vjedhjes masive dhe krimit të organizuar, duke ua ‘besuar’ këtë detyrë veç institucioneve të drejtësisë, të cilat do të hyjnë sërish në proces ‘reformimi’.

“Non-paper” nuk ka asnjë referencë nga institucionet e pavarura për nevojat e tyre konkrete dhe gjithashtu nuk ka asnjë argument mbi nevojën apo dobinë konkrete të kësaj nisme për të “reformuar drejtësinë e reformuar”.

Nuk dihet nëse kërkohet një arkitekturë e re për institucionet e drejtësisë, nëse duhet forcuar statusi i prokurorit të SPAK-ut dhe BKH-së, nëse do të bëhen investime në teknologji e infrastrukturë, në magjistratët e rinj etj.

“Non-paper” nuk ka asnjë referencë konkrete rreth luftës së pushteteve të tjera, përveç atij të drejtësisë, në luftën ndaj korrupsionit, krimit të organizuar e abuzimit.

P.sh., praktikat e vjedhjeve masive me PPP, me investitorët strategjikë, kontratat me falje të pasurisë publike tek investitorët etj.