LEXO PA REKLAMA!

SHKARKO APP

Si Rama “pushkatoi” Veliajn për drejtorët e tij hajdutë

16 Prill 2024, 11:04, Editorial CNA
Si Rama “pushkatoi” Veliajn për drejtorët e tij
Edi Rama dhe Erion Veliaj

Kryeministri Edi Rama, në një dalje televizive, në një nga televizionet e mazhorancës të paguar nga inceneratorët, të blerë si media nga njerëzit afër kryetarit të Bashkisë së Tiranës, dje dha një mesazh të fortë. 

Ai nuk u kursye fare për drejtorët hajdutë të Erion Veliajt dhe për vetë kryebashkiakun, duke i quajtur tradhtarë, frikacakë dhe të korruptuar. Kjo ishte përgjigjja që dha Edi Rama për Erion Veliajn dhe njerëzit e tij në Bashkinë e Tiranës dhe këtë pjesë të organizatës me të tillë persona dhe ka krijuar kryebashkiaku.

Pa asnjë mëdyshje tashmë, Erion Veliaj është njeriu që qëndroi mbi një grup të korruptuarish, frikacakësh dhe hajdutësh, të cilët nga ana tjetër kërkon t’i mbrojë.

Ka një qasje kundërshtuese me kryeministrin. Ai thotë se ka bërë punë të mira me Mariglen Qaton, me Redi Mollën e me Taulant Tushën, ku në fakt Erion Veliaj thotë se ata janë frikacakë, janë hajdutë, janë të korruptuar. Kështu thotë edhe SPAK-u.

Si Rama “pushkatoi” Veliajn për drejtorët e tij
Mariglen Qato, Erion Veliaj, Redi Molla dhe Taulant Tushe

Erion Veliaj na tha se nuk kishte më drejtorë dhe pastaj i pranoi. Tashmë janë mbi 10 prej tyre, disa në pranga, disa në hetim. Të tjerë në pritje të vendimeve. Kryeministri ka qenë mjaft i qartë me kryebashkiakun, me çetën e tij të hajdutëve, për të cilët pretendon se ka bërë punë të mira. 

Si mund të bëhen punë të mira me hajdutë? Këtë e thotë vetëm Erion Veliaj. Por ndoshta e përdor si stil për të shpëtuar veten e tij. Kërkon të përçojë mesazhe te njerëzi që ndodhen pas prangave apo të tjerët në hetim.

Disa prej të cilëve janë shumë afër, apo po bashkëpunojnë me SPAK-un, për t’u dhënë fund hetimeve, për të zbardhur të vërtetën deri te kryebashkiaku Erion Veliaj, i cili është kryetari i organizatës së hajdutëve, të cilët kryeministri Edi Rama, kreu i PS-së, i quajti frikacakë, hajdutë dhe tradhtarë. Në krye të tyre qëndron Erion Veliaj./CNA 

11:20 Editorial Elvi FUNDO

Skulptori i Rilindjes

Në filmin “Zonja nga Qyteti”, një nga ikonat e Kinostu...

Lajmet e fundit nga