web counter
LEXO PA REKLAMA!

SHKARKO APP

App Store
Google Play

Pse nuk dorëhiqet kreu i organizatës së hajdutëve?

13 Prill 2024, 11:00, Editorial CNA
Pse nuk dorëhiqet kreu i organizatës së hajdutëve?
Erion Veliaj

Nuk e bën se ka frikë, nuk e bën sepse i di zullumet që ka bërë, është fjalia e parë që të thotë çdo njeri kur e pyet pse Erion Veliaj ka frikë të marrë përgjegjësinë e hajdutërive në bashkinë e Tiranës.

Veliaj nuk bën dot as veprimin e Ilir Metës, që doli me video, me zë dhe figurë, “700, 700” dhe dha dorëheqjen, jo më të shkojë te standardi i Ilir Rusmajlit.

Kryebashkiakut i janë kapur gafil me presh në dorë, me miliona euro tenderë, vjedhje dhe abuzime edhe drejtorët e tij. Dhe ato deklarimet për 160 mijë vota në Tiranë, mjafton t’ju dalë përballë atyre socialistëve që e kanë votuar dhe e shikon sa pështyma neverie do marrë. Drejtorët hajdutë i ka emëruar ai, i ka mbështetur ai, i ka qarkulluar ai, i ka ngritur në detyrë ai dhe emrin shefi i tyre e ka Erion Veliaj. Dhe nuk është një, por janë disa. Janë mbi 10 persona, të gjithë drejtorë në Bashkinë e Tiranës, të gjithë hajdutë, të gjithë nën hetim, disa pas prangave, disa jo.

Pse nuk dorëhiqet kreu i organizatës së hajdutëve?
Mariglen Qato, Redi Molla, Taulant Tushe, Erion Veliaj

FRIKACAKU VELIAJ NUK JEP DOT DORËHEQJEN

Sepse është një frikacak që do të fshihet pas mantelit të socialistëve duke thënë unë jam një socialist i vitit 2024. Në fakt, Erion Veliaj është një MJAFT-ist i vitit 2004, kur bënte protesta bashkë me Flamur Nokën dhe Sali Berishën kundër Fatos Nanos dhe socialistëve duke investuar që ata të kalonin në opozitë. Erion Veliaj është një 99-ç dhe MJAFT-ist që e provoi veten në garë në vitin 2009 dhe e pa sa vota mori. Por në 2013-ën shkoi te socialistët për të marrë pushtet si ministër dhe si kryetar bashkie për t’u dhënë atyre damkën e hajdutit.

ÇFARË BORXHI I KANË SOCIALISTËT ERION VELIAJT?

Prandaj ai nuk jep dorëheqjen se do t’i përdorë socialistët si mburojë për të shpëtuar nga drejtësia. Për të shpëtuar nga drejtësia sa të mundet edhe drejtorët e tij, të cilët përveç shumë akuzave pritet të kenë dy a më shumë çështje ku janë përfshirë edhe në finale, në përfundim ata kanë lënë fëmijët rrugëve, familjarët e tyre. Pse? Sepse kanë qenë pjesë e skemave dhe kanë zbatuar skema korrupsioni.

Dikush dhe pa asnjë përgjegjësi është përballë drejtësisë, mund të bëjë burgun, por Erion Veliaj nuk ka burrërinë të japë dorëheqjen dhe të shkojë ai përpara drejtësisë, t’i shfajësojë kolegët e tij. Por kërkon të fshihet pas mantelit të socialistëve dhe nuk vendos dot një standard brenda PS-së, një 99-ç dhe një MJAFT-ist si Erion Veliaj.

Pse nuk dorëhiqet kreu i organizatës së hajdutëve?
Erion Veliaj, pjesë e MJAFT

Nuk mundet kurrë të vendosë standarde politike, një njeri i tillë pa shtyllë kurrizore politike, i cili përtej parimit “armikun mbaje afër për të njohur se çfarë bën” duhet të mësojë se është thjesht dhe vetëm kreu i një organizate hajdutësh në Bashkinë e Tiranës por përkohësisht mban emrin kryetar i saj.

Në fakt, Erion Veliaj është kryetar i organizatës së hajdutëve që nuk jep dot dorëheqjen se është frikacak ndaj dhe fshihet pas socialistëve që i turpëroi duke ju vënë damkën hajdutë, kur në fakt hajdutët e vërtetë janë 99-çat e MJAFT-it dhe Veliajt./CNA 

 





11:20 Editorial Elvi FUNDO

Skulptori i Rilindjes

Në filmin “Zonja nga Qyteti”, një nga ikonat e Kinostu...

Lajmet e fundit nga