web counter
LEXO PA REKLAMA!

SHKARKO APP

App Store
Google Play

Veliaj foli, socialistët e neverisin

9 Prill 2024, 10:28, Politikë CNA

Veliaj foli, socialistët e neverisin

Kryebashkiaku i Tiranës, Erion Veliaj, dje doli në televizion në përpjekjen e tij të tretë apo të katërt për t’u shfajësuar.

Ndryshe nga herët e para, ku u shfaq me arrogancë dhe si avokat mbrojtës, dje arrogancën e kishte humbur dhe thjesht mbrojti sërish hajdutët duke i vlerësuar punët e mira që ata kishin bërë.

Mjaftoje të shikoje komentet në rrjetet sociale për të kuptuar cili ishte vlerësimi për sjelljen e Erion Veliajt.

VELIAJ BËN TË PADITURIN

Ky pretendon se nuk di asgjë, kur në fakt, në mars të vitit të kaluar ka qenë në dijeni. Veliaj pretendonte se nuk dinte asgjë kur, doli në emisionin “Opinion” të Blendi Fevziut dhe tha se janë shpifje dhe gënjeshtra dhe i ka verifikuar të gjitha akuzat e bëra nga Belind Këlliçi.

Erion Veliaj pretendon se nuk di asgjë, ndërkohë që është kapur duke asfaltuar një rrugë pa u zhvilluar tenderi. Tenderi është zhvilluar disa javë më pas.

Erion Veliaj pretendon se nuk di asgjë, ndërkohë që ka telefonuar dhe shkruar me redaksi mediatike për të mos shkruar ndaj drejtorëve të tij, ndaj Taulant Tushës që e mbronte me pathos.

Erion Veliaj ka thirrur njerëz të drejtësisë, ka çuar mesazhe drejt SPAK-ut, drejt gjyqtarëve, për të liruar hajdutët e tij, kjo jo vetëm Taulant Tushën, por edhe të tjerët, por janë gati 9 drejtorë, pra është i gjithë zinxhiri komandues.

Mjaftonte të shikoje dje në “YouTube” komentet e bëra dhe e kuptoje se cili ishte qëndrimi i qytetarëve ndaj Erion Veliajt. (Lexo ketu) 

Veliaj foli, socialistët e neverisin

Veliaj foli, socialistët e neverisin

Mjaftonte të shikoje ditën e diel aktivitetin “Las Vegas Magic Festival” dhe kuptohej cili qe reagimi i qytetarëve. (Lexo ketu)

Mjafton të shikosh rrjetet sociale dhe të kuptosh se cili është reagimi i qytetarëve ndaj Erion Veliajt.

VELIAJ U UL KOKËN SOCIALISTËVE

Veliaj foli, socialistët e neverisin

Në fakt, Erion Veliaj nuk është një socialist. Erion Veliaj është një 99-ç i ardhur nga Mjaft-i, i cili punoi fort për të rrëzuar PS-në në vitin 2005.

Më pas u bashkua me Edi Ramën dhe socialistët e mori ofiqet e pushtetit të tyre, pasi i vetëm me një parti nuk do të mund të vinte kurrë në pushtet.

Por e mori dhe e shfrytëzoi PS-në duke e sfilitur atë, duke i çuar nga pas sektin e 99-çave të tij, drejtorët e tij, të cilët kanë emëruar në bashki dhjetëra e dhjetëra familjarë e kanë kthyer në një çerdhe personale, në një kopsht për përfitimet e tyre.

Veliaj ndoshta bën sikur nuk e di, por përgjegjës për emërimet në administratën e bashkisë është Erion Veliaj.

Ashtu siç është përgjegjës për tenderët Erion Veliaj, që i merrte kompania “5D” dhe kompanitë e tjera lidhur me familjarët e tyre (Lexo Ketu)

Kryebashkiaku nuk mund të thotë dot se si burri i një drejtoreshe u ngrit në detyrë dhe më pas kompania “5D” fitoi tenderin.

Nuk mund të thotë dot se bulevardin e ri e bëri Mariglen Qato me shokë. Sipas vetë Veliajt, Mariglen Qato ka shkuar tek IMT në vitin 2018-2019, kohë në të cilën historia e bulevardit të ri ishte mbyllur.

Pra sërish ka gënjyer, por kjo i përket një tjetër materiali që do të publikohet në CNA.

Veliaj foli, socialistët e neverisin

Erion Veliaj mjafton të marrë informacion se cili është reagimi që kanë socialistët në rrethe, të pyesë në Vlorë, në Fier, të pyesë në Shkodër a Elbasan, të pyesë në Gjirokastër, Korçë, Dibër a Lezhë, se cili është qëndrimi që mbajnë socialistët ndaj tij apo ndaj drejtorëve të tij që vidhnin 24 orë shqiptarët.

Erion Veliaj u ka ulur kokën socialistëve dhe socialistët janë të neveritur nga ai.

Ai mund të dalë të bëjë propagandë sa të dojë, por sërish koka e tyre nuk ngrihet me mashtrime për të cilat ata janë ngopur së tepërmi.

Dhe CNA ia ka thënë me editorial, ke të drejtë që të mos flasësh zoti Veliaj se sa më shumë që të flasësh aq më keq do t’i bësh vetes tënde.

Dhe aq shumë sa fole dje, akoma më keq i bëre. Socialistët do të neveriten edhe më shumë me ty! Drejtësisë i dhe më shumë fakte dhe prova kundër vetes tënde./ CNA





Lajmet e fundit nga