web counter
LEXO PA REKLAMA!

SHKARKO APP

App Store
Google Play

Erion Veliaj, ke të drejtë të mos flasësh!

6 Prill 2024, 09:45, Editorial CNA
Erion Veliaj, ke të drejtë të mos flasësh!
Erion Veliaj

Titulli i këtij shkrimi ndoshta është fjalia e duhur për momentin politik, faktet dhe situatën që po ndodh me kryebashkiakun e Tiranës. Është fiks si në ato filmat amerikanë, ku polici paraqitet me një mandat në dorë për të arrestuar një person, apo në flagrancë, ku e kap dhe i vendos prangat.  Ndërsa, ndryshe nga kjo formë, Erion Veliaj ka zgjedhur të flasë.

Pasi tha se miqtë e tij duhet të provojnë pafajësinë, tha dhe tjetrën që është dhe gjykata. Në fakt, duhet të kuptojë se zyrtarët e tij janë kapur në flagrancë, janë mesazhet, janë komunikimet, janë provat, janë faktet dhe ka një vendim gjykate për arrestimin e atyre drejtorëve të tij që ndodhen pas hekurave.

Emrat fillojnë me Taulant Tushen ka që në dhjetor në burg, Mariglen Qato, Redi Molla, e kompani, ato zonjat drejtoresha që kanë dhënë kodet e tenderëve që flisnin me Nestorin, hajde sill letrat, apo hiqnin kompani të ndryshme. 

Erion Veliaj, ke të drejtë të mos flasësh!
Mariglen Qato, Erion Veliaj, Redi Molla dhe Taulant Tushe

Ato skemat e përdorura nga brenda janë fakte dhe prova konkrete me vendim gjykate, prandaj dhe gjyqtarja Rudina Palloj e mbajti dosjen 10 ditë derisa dha vendimin. Ato zonjat janë jashtë, jo se janë më pak të korruptuara se Mariglen Qato, po sepse janë zonja. 

Situata e tyre është mjaft e rëndë në lidhje me hetimet dhe përgjegjësi kryesor, “truri” i kësaj pune e ka emrin Erion Veliaj, se ai i ka emëruar dhe i ka qarkulluar. Dhe në vend që të heshtë dhe të mos flasë, Erion Veliaj na tregon përralla me ish-drejtorë, tregon barsoleta me gjoja gjykatën dhe pafajësinë, ku në fakt një vendim gjykate paraprak është. Ato pranga janë hedhur me vendim gjykate. 

Erion Veliaj, në vend që të heshtë, ka të drejtë të heshtë dhe të mos flasë, zgjedh të bëjë politikë, ta politizojë çështjen, të shkojë sa te Saliu, sa tek Argita, sa te dhëndri që quan Belind Këlliçi. 

I vjen ndoshta mirë apo jo, Veliaj ka mundur Belind Këlliçin me një diferencë shumë më të madhe, pikërisht për shkak të kësaj makinerie që është ngritur në Bashkinë e Tiranës. Makinerinë me gati 10 mijë punonjës që patronazhon një punonjës bashkie, 66 qytetarë të Bashkisë Tiranë dhe këtë e ka thënë gazetari Neritan Sejamini me fakte dhe shifra. 

Mund të ketë marrë më shumë vota Erion Veliaj dhe ta ketë mundur thellë Belind Këlliçin, por po, kishte këtë makineri bashkie, kishte këta drejtorë, që merrnin miliona euro tenderë dhe në finale shkonin te blerja e votës, te pushteti i Erion Veliajt, që Erion Veliaj të bëhej kryetar bashkie dhe këta të qëndronin drejtorë, qarkullonin sa në një sektor, në një sektor tjetër, sa në një drejtori, në një drejtori tjetër dhe bashkë të bënin kompani për të vjedhur, dhjetëra miliona euro nga taksat e qytetarëve të varfër. 

Erion Veliaj, ke të drejtën të mos flasësh për çdo argument që thua dhe për çdo gjë që jep ke një provë më shumë për gjykatën, ke një provë më shumë për drejtësinë, sepse janë prova kundër teje. Sepse është Erion Veliaj njeriu që i ka emëruar këta drejtorë, që i quante ish-drejtorë dhe më pas u detyrua t'i zëvendësonte dhe në fund me subkoshiencë na tha se ai ishte kreu i një organizate.

Ajo është një organizatë kriminale, e ngritur në Bashkinë e Tiranës, në shërbim të Erion Veliajt, që të zgjidhet kryetar bashkie dhe më pas hajdutët rreth e rrotull t'i shërbejnë për të blerë vota apo për ta mbajtur në pushtet Erion Veliajn, i cili ditën që del nga ajo zyrë nga ajo bashki, nuk ka asnjë votë.

Pikërisht sepse ka krijuar strukturën e partisë shtet, ka krijuar strukturën e korrupsionit brenda Bashkisë të Tiranës, me individë, shërbëtorë besnikë të tij, hajdutë të paparë dhe padëgjuar më parë në Shqipëri, të cilët ndryshe nga korrupsioni klasik, 10% apo 20%, merrte të gjitha fondet dhe i fuste në xhep, pa folur me shkëmbimet e qokave edhe nëpër kompani të tjera. 

Prandaj Erion Veliaj ka të drejtën të mos flasë sepse është kreu i një organizate kriminale hajdutësh, në Bashkinë e Tiranës dhe në krye të saj, Erion Veliaj./CNA 

 





11:20 Editorial Elvi FUNDO

Skulptori i Rilindjes

Në filmin “Zonja nga Qyteti”, një nga ikonat e Kinostu...

Lajmet e fundit nga